Artigos de Transporte e mobilidade. Revista CERNA, medio ambiente e ecoloxismo da man de ADEGA
Xornadas sobre transportes. Galiza no vagón de cola
Belén Rodríguez
Páx. 26 - 27
ADEGA puxo a debate a problemática dos transportes en Galiza como unha das principais fontes de contaminación difusa do país e factor determinante bo seu desenvolvemento económico e social. Foi nas xornadas sobre Transportes celebradas na capital luguesa os pasados 23 e 24 de maio, na cámara de comercio. A prevalencia do transporte por estrada, a falla dunha rede de camiños de ferro galega e a ausencia de políticas transversais que acaden consensos de carácter colectivo e sostíbel na materia, puxeron de manifesto a urxencia coa que é preciso abordar esta temática.
Eixo Atlántico Ferroviario: o tren de proximidade é posíbel
Xosé Carlos Fernández
CERNA Nº 57 - Transporte: O tren de proximidade
Páx. 26 - 28
Galiza é un territorio que conta con moito capital invertido en infraestruturas ferroviarias, que nun principio servía para a comunicación entre as grandes cidades galegas (do que tamén se aproveitaban os pobos polos que pasaban as vías), e estas a súa vez cos grandes centros do Estado. Actualmente, os servizos que unen os pobos cos cidades están a desaparecer pola construción da Liña de Alta Velocidade, condenando o que se coñece como servizo de cercanías. Mostra disto é o exemplo do Eixo Atlántico entre A Coruña e Vigo.
O aluguer municipal de bicicletas
Belén Rodríguez
CERNA Nº 58 - Crónica: O incerto futuro de ENCE en Galiza
Páx. 21 - 24
Os impactos medio ambientais e sanitarios que está a xerar o consumo desmesurado de combustíbeis fósiles, sobre todo por mor do transporte, son coñecidos pola meirande parte da poboación. Nas cidades, se cabe, o problema é máis visíbel. Nelas asistimos a miúdo á aglomeración de tráfico de vehículos a motor, impedindo en boa medida a mobilidade urbana a través doutros medios de transporte como a bicicleta ou mesmo a pé, relegados a un segundo ou terceiro lugar. Este feito choca coa manifesta necesidade das cidades actuais de volvérense máis habitábeis e humanizadas, nas que os cidadáns recuperen protagonismo fronte ás infraestruturas e os automóbeis e decidan como han de desprazarse por elas. Porén, nos últimos anos estase a constatar en todo o Estado español un incremento lento pero constante do uso da bicicleta. Están a aparecer movementos cidadáns espontáneos que reivindican o respecto aos cicloturistas nas cidades, como as "masas críticas", e comézase a premiar con subvencións a aqueles municipios que desenvolven plans de mobilidade nos que se prioricen ao peón e á bicicleta. Unha das respostas locais a esta crecente demanda social de espazos urbanos máis limpos, cómodos e fáciles de transitar sonos servizos municipais de préstamo ou aluguer de bicicletas que, actualmente, están a funcionar nunhas 30 cidades do Estado, das que 5 son galegas.
Aeroporto de Alvedro é sostibilidade
Raquel Jabares Fernández
CERNA Nº 59 - Mar: do litoral ás profundidades
Páx. 22
A posible ampliación de 400 metros do aeroporto de Alvedro pon a coñecemento público o Estudo de Impacto Ambiental que se realizou sobre o proxecto. Alvedro trátase dun aeroporto de carácter urbano rodeado de colexios, vivendas e persoas que soportan a diario taxas elevadísimas de ruído. Se temos en conta que tal como está hoxe en día, o aeroporto é deficitario, cómpre preguntarse ata que punto é sostible unha ampliación millonaria, de gran pegada ambiental, nun aeroporto que xa de por si ten moitos problemas para resolver.
Os transportes e o cambio climático
Adela Figueroa Panisse
CERNA Nº 61 - Lei do solo: Legalizar a especulación
Páx. 33 - 34
O tren é o medio de transporte máis eficiente dos existentes, o que menos impacto causa, e o que menos gasto supón tanto na construción como no seu funcionamento diario. Nun país como a Galiza, cunha alta produción de electricidade, é incrible que en vez de apostar por este medio se teñan feito tantas estradas para vehículos privados e tan poucas liñas de ferrocarril. Está claro que as grandes industrias interesadas na venta de vehículos individuais e do petróleo influíron decisivamente nuns gobernos que non quixeron potenciar o tren. Así hoxe en día estanse a construír estradas de Lugo a Ourense e Santiago cuns custes dificilmente amortizables, nun momento en que os prezos dos combustibles comeza a ser moi alto para tódalas persoas non sería mellor fortalecer a rede de ferroviaria?
O camiño de ferro e a planificación territorial
Xosé Carlos Fernández Díaz
CERNA Nº 63 - Galiza: Territorio agredido
Páx. 26 - 28
Galiza segue a ter unhas comunicacións entre as súas zonas rurais moi precaria, só as cidades se conectan entre elas e coa península dunha forma axeitada, mentres o rural fica a distancias imposibles para o seu desenvolvemento óptimo, o que provoca o seu despoboamento e a emigración cara as cidades, a isto hai que sumarlle os plans dos curtos gobernos que rara vez cumpren uns prazos optimistas e que teñen en mente as masas de votos en detrimento das melloras que outros plans máis ambiciosos traerían a nosa terra, isto evitaríase cunha maior transparencia nestas concesións, máis a administración procura trabas para que isto non ocorra e o pobo non teña acceso a informacións sobre custes e rendibilidade destas infraestruturas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal