Artigos de Transporte e mobilidade. Revista CERNA, medio ambiente e ecoloxismo da man de ADEGA
O balanzo económico e social do sistema de transporte: as contas ecolóxicas
Fernando Nebot
Páx. 22-25
Moitas veces ouvimos dicir ou dicimos nós mesmos "que cara está a gasolina", "hai que ver cantos impostos pagamos cando mercamos un automóbil" e se apuramos máis moitas veces pensamos que isto é moi inxusto. Este foi o posicionamento do Real Automóbil Club de España nunha ampla campaña na que reivindicaba a construcción de máis infraestructuras e a inversión de máis diñeiro público no desenvolvemento do transporte por estrada. A proposta entón deste artigo é comprobar se era certa esta formulación ou se era sesgada en orixe, tendenciosa, que o que pretendía era reclamar unhas inversións ás que "non tiña dereito".
Os caminhos de ferro na Galiza, uma necessidade abandonada
Adela Figueroa
CERNA Nº 82 - Emerxencia cinexética
Páx. 27-29
Se falarmos da Galiza compre salientar que, desde o ponto de vista econômico e social, existem já, de facto, duas Galizas: a que se conforma a volta da AP-9 (Autopistas del Atlántico), ou seja, a Galiza Ocidental (províncias de Pontevedra e Corunha), e o resto, ou seja as províncias de Lugo e Ourense. Esta autoestrada funcionou desde o seu início como motor que pus a andar o que se lhe chamou “Navalhada do Capital”. Hoje, passados 40 anos daqueles feitos da luta por uns transportes galegos, as diferenças entre as duas Galizasagravaram-se em termos de economia, demografia e comunicações
O inimigo da cidade
Xosé Veiras García
Páx. 22-24
O excesivo protagonismo do automóbil privado no sistema de transporte urbano é a principal causa da degradación da calidade de vida nas cidades e vilas. A nosa sociedade sobrevalora as vantaxes do automóbil e infravalora os seus custos ambientais, sociais e económicos. Combater a cultura do autómobil, estimulada polos sectores económicos que dela se benefician, é necesario para tornarmos os nosos pobos máis humanos e saudábeis. Os coches son a maior fonde de contaminación acústica e atmosférica, provocan numerosos accidentes e deterioran enormemente a convivencialidade e a sociabilidade do espazo público. O doutor Carlos Dora, do Centro Europeo para o Ambiente e a Saúde da Organización Mundial da Saúde (OMS), opina que "estamos pagando un prezo enorme polo excesivo transporte por estrada: co noso diñeiro e coa nosa saúde".
O carro particular: da economía ao medio ambiente
Manuel Soto Castiñeira
Páx. 26-27
Se facemos contas, podemos comprobar facilmente que o transporte en carro particular custa entre tres e catro veces máis que en transporte público, pero o certo é que nos afixemos a comtabilizar como custo do autocarro so ó combustíbel. Cando podemos elixir, perguntámonos: qué custa máis, o billete de tren (ou de autobús) ou a gasolina. Razonando asi, seguimos os dictados do sector automobilístico, interesado que non percibamos mais que esa quinta parte dos custos directos de manter un automóbil. Pero se pensamos no meio ambiente, a conclusión e máis preocupante: os custos externos non contabilizados do carro particular superan os xa elevados custos directos, e estamolos a cargar na conta das xeracións futuras.
Pontevedra: Recuperar a cidade
Xosé Cesáreo Mosquera Lorenzo
Páx. 38-39
A primacia indiscriminada do transporte motorizado individual foi degradando paulatinamente as cidades, deshumanizando-as, dificultando a ocupación social dos espazos públicos. Hoxe está claro para urbanistas e sociológos que, ou as cidades recuperan a sua función primixénia de vida social, de convivéncia e de actividade económica, recuperando a calidade urbana, ou a sua deterioración será cada vez máis galopante, facendo entrar en crise e fracasar o mesmo conceito de cidade. Cidades e vilas deben encetar, con urxéncia e partindo das suas condicións específicas, o camiño da sua recuperación. Pontevedra comezou ese camiño con decisión e xa é unha referéncia positiva no noso país.
Semáforos: ou como perxudicar aos viandantes
Colectivo EIXO
Páx. 21
Os semáforos: cada día máis do lado do coche e máis en contra do peón. O colectivo peonil e ciclista Eixo ven de facer público un informe no que se pon de manifesto a discriminación que sofren as camiñantes con respecto ao tráfico rodado na cidade da Coruña. Os tempos en verde para os peóns non son suficientes e, mentres os coches apenas agardan, a espera para os peóns é na maioría dos casos excesiva. O número de peóns agardando tamén supera o número de vehículos que esperan.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal