Artigos de Mar e litoral. Revista CERNA, medio ambiente e ecoloxismo da man de ADEGA
O Proxecto Virada monitoriza cetáceos para reducir as súas capturas accidentais en Galicia
Jose A. Martínez, Iago Izquierdo e Alfredo López
CERNA Nº 83 - Electrointensivas con data de caducidade
Páx. 22-24
As augas galegas son un escenario no que se producen numerosos e diversos tipos de interaccións entre os cetáceos e a actividade pesqueira. Contamos cunha comunidade de cetáceos composta por máis de vinte especies, que comparte o seu hábitat cunha moi numerosa e variada flota pesqueira, á que pertencen o 85% dos barcos que faenan nas augas do caladoiro Cantábrico Noroeste. O Proxecto VIRADA, en activo desde 2019, aborda esta relación e busca reducir a mortalidade por captura accidental en artes de pesca da toniña e o arroaces.
O debate sobre a explotación dos recursos, o caso da sardiña
Xosé A. Fraga Vázquez
Páx. 31-32
Artigo sobre os antecedentes históricos respecto ós coñecementos respecto á sardiña. Os coñecementos empíricos derivados das observacións das xentes do mar víanse afectados polas presións das industrias conserveiras. O resultado era unha elevada confusión sobre o ciclo vital da sardiña. O tenente de navío Fernández Florez defendeu a persistencia da veda polo ano 1885, facendo fincapé na necesidade de coñecer o ciclo vital desta especie.
ACTUALIDADE: O conflicto da praia da Lanzada
Luis Rei, Emilio Ínsua
Páx. 3-4
É ben coñecida a importancia bio-xeolóxica do istmo da Lanzada e do complexo intermareal Umia-O Grove. Tamén é sabido que a praia da Lanzada constitúe un dos principais atractivos turísticos da comarca do Salnés. Xustamente por estos dous motivos é difícil manter o necesario equilibrio de intereses e resulta relativamente doado que prenda a faísca da discordia e o enfrentamento.
ACTUALIDADE: Cangas. Polémica pola recuperación do litoral
Luis Mª Pérez González
Páx. 9-11
Analízase a problemática referida á degradación medioambiental da marxe oeste da ría de Aldán-Hío (Cangas), da que xa se ten coñecemento dende hai anos. Refírese a tensión entre as partes dependendo dos intereses, neste caso, os veciños que fixeron as súas construccións fóra da lei e os colectivos e administracións que tentan reparar o dano.Inclúese ademáis un artigo respecto ás axudas por parte da Xunta ás plantacións de eucalipto e outro pequeno apunte referido ós vertidos de cloro ós ríos procedentes das piscinas, neste caso a de Compostela e Monterroso.
Lei de Protección da auga das rías
Manuel Soto Castiñeiras
Páx. 12-13
O pasado mes de Marzo celebrouse en Vilagarcía de Arousa o Foro Aberto para un Futuro Natural e Productivo das Rías Galegas, que reuniu a máis de trescentas persoas dos máis diversos sectores, desde as universidades ata os sectores productivos ligados ás rías. No foro analizouse o contido do proxecto da futura "Lei de protección da calidade das augas das rías e ordenación do servicio público de depuración de augas residuais urbanas".
A xestión integrada do litoral
Cristina Álvarez Baquerizo, IPAE
Páx. 14
Neste artigo, a autora fai un breve resumo da importancia da Resolución sobre a xestión intregrada do litoral na UE, aprobada pola Comisión europea o pasado febreiro. Fai fincapé en que para xestionar o litoral dunha forma sustentábel hai que ter en conta todas as actividades, integralas nos instrumentos de xestión, os plans e programas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal