Artigos de Contaminación. Revista CERNA, medio ambiente e ecoloxismo da man de ADEGA
INFORME ADEGA: Celulosas, o pronunciamento da Comisión Galega de Medio Ambiente sobre EuroGalicia Forestal
Redacción/Cerna
Páx. 29-34
A Comisión Galega de Medio Ambiente, dependente da Xunta, aprobou en Marzo de 1991 o Estudo de Impacto Ambiental presentado polos titulares do proxecto de celulosa kraft para As Pontes: a autodenominada Eurogalicia Forestal (EF). No acordo da Comisión recóllense as caracteríticas do proceso e fíxanse os topes máximos de emisión de contaminantes que lle serán tolerados a esta empresa.
Celulosas iguais que a de Pontevedra
Ramón Varela
Páx. 15-18
A presenza de dúas novas celulosas crea un impacto ambiental importante na nosa Galiza. Este impacto modifica a nosa contorna e débese principalmente ao monocultivo do eucalipto primando os intereses económicos.
Contaminación luminosa: outra forma de agresión medioambiental
Salvador Bará
CERNA Nº 76 - Espectáculos con animais
Páx. 34-37
A noite, a escuridade da noite, é unha necesidade fundamental para a vida na Terra. Cada vez é máis frecuente atoparmos gran cantidade de luz en horas nocturnas en lugares que non deberían ser iluminados, con efectos disruptivos directos sobre os organismos, poboacións e ecosistemas. O mal uso da iluminación artificial acaba cun importante elemento do patrimonio inmaterial da humanidade: o ceo estrelado. Para darlle a volta a esta situación precisamos facer un uso intelixente e sostible da luz, respectuoso coa natureza e coas persoas, e mesmo revisarmos a forma de usar novas tecnoloxías como o LED.
A intoxicación por amianto e o desamiantado
Luis Díaz Cabanela
CERNA Nº 73 - O decaemento do ameneiro
Páx. 36-38
A utilización e comercialización do amianto foi prohibida o 14 de decembro de 2002, pero aínda quedan moitos obxectos, edificios, barcos e vehículos que o conteñen. Neste artigo, o médico e máster en toxicoloxía, Luis Díaz Cabanela, explicará cales son os efectos negativos para a saúde do contacto con este material e como se debe proceder ao desamiantado.
A contaminación industrial declarada de Galiza
Ramón Varela
CERNA Nº 72 - Recheos nas praias
Páx. 5-8
En outubro de 2014 fixéronse públicos os datos do Rexistro Estatal de Emisións e Fontes Contaminantes (PRTR-España) sobre as emisións á atmosfera, auga e solo de substancias contaminantes das principais industrias e outras fontes puntuais e difusas, correspondentes ao ano 2012. As industrias e complexos (varias instalacións co mesmo emprazamento e co mesmo titular) están obrigadas a notificar neste rexistro da orde de 100 substancias contaminantes incluídas no Regulamento da ComunidadeEuropea (CE 166/2006) e Reais Decretos (RD 508/2007), das cales 60 considéranse contaminantes atmosféricos relevantes. A notificación tense que realizar sobre determinados umbrais de emisión fixados con anterioridade e o titular debe indicar se os datos que comunica están baseados en medicións, cálculos ou estimacións. A información pública que ofrece en rede o Rexistro PRTR-España, aínda con certo atraso –case dous anos-, moitas veces é incompleta e non sempre fiable, porén moi valiosa para coñecer, analizar e valorar as emisións e mesmo comparar as de Galiza con respecto ao Estado.
Contaminación dos ríos por fármacos. Contaminantes emerxentes
Mª Angeles Campello Ación
CERNA Nº 71 - Outra xestión do lixo é posíbel
Páx. 18
É cada vez máis visible na sociedade a preocupación polas cuestións ambientais, e nela ocupan un lugar importante as relacionadas coa calidade da auga. Aínda que son moitos os contaminantes en augas estudados e sometidos a un control regular que nos permite saber os seus efectos sobre a saúde, existen moitos dos que non son coñecidas as consecuencias a longo prazo; son os chamados contaminantes emerxentes. Dentro destes atopamos os fármacos. Estes contaminantes non son novos, pero empézanse a facer os primeiros estudos que nos alertan da presenza de medicamentos nas augas que consumimos.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal