Artigos de Educación ambiental. Revista CERNA, medio ambiente e ecoloxismo da man de ADEGA
Crónica dunha experiencia verde. Reducir o consumo de auga e enerxía é posíbel
Mª Xosé Castro, Isabel Fernández e Ramsés Pérez
CERNA Nº 58 - Crónica: O incerto futuro de ENCE en Galiza
Páx. 24 - 25
Durante o 2008, 50 domicilios de Santiago de Compostela participaron no programa de educación ambiental Fogares verdes. Este programa de acompañamento que dá continuidade aos proxectos de compostaxe caseira vén demostrar que cunhas doses de reflexión, outro pouco de vontade e algúns cambios de hábitos pódese aforrar auga e enerxía no día a día, no noso fogar. A experiencia desenvolveuse tamén nos concellos de Porriño e Ames.
Documentación ambiental a disposición da cidadanía galega
Ana Belén Prado, Natalia Neira e Verónica Pajón
CERNA Nº 59 - Mar: do litoral ás profundidades
Páx. 10 - 11
O Centro de Documentación Ambiental do CEIDA (Centro de Extensión Universitaria e Divulgación Ambiental de Galicia) posúe un amplo e variado fondo documental aberto ao público e dispoñíbel para a súa consulta. Estas publicacións especializadas supoñen un apoio fundamental na investigación, na realización de traballos e informes técnicos, proxectos ou na preparación de saídas e actividades na natureza, xa que conta cun abano interesante de guías e roteiros.
Proxecto Ríos de lingua e cultura
Ramsés Pérez
CERNA Nº 59 - Mar: do litoral ás profundidades
Páx. 34 - 35
A piques de cumprir cinco anos de andaina, o Proxecto Ríos pon en marcha unha nova iniciativa que pretende fomentar a recollida e divulgación de nomes populares asociados aos ríos e dos aspectos culturais vencellados a eles. Os traballos de estudo e divulgación dos nosos ecosistemas fluviais realizados durante estes anos permitíronnos descubrir a extensa riqueza que agochan, non só, dende o punto de vista ambiental senón tamén cultural. Un programa de educación e voluntariado ambiental que pretende incidir sobre cuestións léxicas e culturais como receitas, adiviñas, etc., contribuíndo así ao mantemento da nosa lingua e da nosa cultura.
20 anos da aula da natureza de Cotorredondo
Teixugo S.Coop
CERNA Nº 59 - Mar: do litoral ás profundidades
Páx. 36 - 37
Poucos proxectos ambientais teñen a sorte de poder dicir que posúen 20 anos de andaina, mais aquí temos un exemplo. Fai 20 anos o Grupo de Educación Ambiental LANDRA realizan a posta en marcha da Aula da Natureza de Cotorredondo, proxecto que dura ata hoxe en día. Este centro, situado no Parque da Natureza do Lago Castiñeiras, no Morrazo. A parte de aula didáctica para cativos, o proxecto foi medrando cara outros eidos, como a retirada de monocultivos e posterior repoboamento con especies autóctonas, condicionamento de espazos degradados, posta en valor do patrimonio cultural dentro do parque, e moito máis.
Proxecto Castieixas: Anfibios, pozas e persoas
Ramsés Pérez
CERNA Nº 60 - Sentenzas Xudiciais: Caso Rinlo
Páx. 40 - 41
As pozas e regos son elementos singulares da paisaxe galega posuidores duns interesantes valores culturais e naturais. Consecuencia do abandono do rural, nomeadamente das prácticas agrícolas asociadas, pozas e regos deixan de manterse, “perdéndose”, provocando unha simplificación da paisaxe e a desaparición de espazos vitais para flora e fauna. Anfibios como as ras, sapos, píntegas, etc., vense especialmente afectados xa que pola súa “dobre vida” son vertebrados moi sensíbeis a estas modificacións nos usos do territorio.
Equal Soc. Coop. Galega, centro de educación ambiental
Mª Xosé e Amparo Vázquez Ramos
CERNA Nº 60 - Sentenzas Xudiciais: Caso Rinlo
Páx. 42 - 43
O centro de educación ambiental Equal Soc. Coop. Galega está situado na localidade de A Barra, no Concello de Coles, provincia de Ourense. O centro é un equipamento fixo con capacidade para 48 persoas en réxime de pensión completa. O espazo interior conta con dormitorios compartidos, comedor e aula multiusos, ademais dos aseos e a recepción. O espazo exterior está formado basicamente por unha hectárea de bosque de carballos e pradería, espazos que na primavera e o verán acollen a meirande parte das actividades dos nenos e nenas que asisten a xornadas de educación ambiental, a actividades de lecer e a campamentos.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal