Artigos de Ecoloxismo. Revista CERNA, medio ambiente e ecoloxismo da man de ADEGA
Unha plataforma para un Sar con vida
Xosé M. Penas Patiño
CERNA Nº 70 - Reforma eléctrica contra as enerxías renovábeis
Páx. 42-43
Como cada mañá antes de marchar ao traballo Xan achegouse ata o río. Coñecía o Sar desde neno, pois cos amigos da aldea tiña que pasar a carón del cada vez que ía á escola. Alí onde as augas paraban, entre xuncos, centos de troitas mortas mostraban o bandullo ao sol. Non era a primeira vez, nin a segunda. E xa non era nin a primeira, nin a segunda vez, que o tiñan comentado na taberna de Arturo. O río era parte deles mesmos e sentían a desfeita en carne propia. Sen máis voltas, Xan pensou en falar con xente doutras aldeas e en crear una asociación. Así o fixo con amigos de Brión, da Gandariña ou de Padrón, e tamén coa Asociación de veciños de Conxo Doutor Maceira, co Club de sendeirismo Vía Láctea, co Colectivo Remonte, coaSociedade de Caza e Pesca padronesas e co Club de pesca deportiva Londra de Rois. ADEGA tamén estivo apoiando desde o primeiro momento. A nova asociación recibiu o nome de Plataforma pola Recuperación do Sar.
As prioridades do ecoloxismo en 2007. XXXII Asemblea xeral de ADEGA
Belén Rodríguez
Páx. 10
ADEGA trasladouse ao Teatro Borbón de Vigo para celebrar a súa XXXII Asemblea Xeral o 28 e 29 de abril deste mesmo ano. O saneamento das rías, a protección dos espazos da rede natura e do litoral, a xestión dos residuos, o cambio climático, e a política forestal centraron o debate ecoloxista. Asi mesmo, ADEGA renovou a Xunta Directiva con mudanzas e novas incorporacións, de tal forma que Virxinia Rodríguez pasa a ser a nova Secretaria Xeral de ADEGA.
Acción: Montañas en rede
Ramsés Pérez
Páx. 14-15
O pasado 12 e 13 de maio do 2007, ADEGA e Red Montañas realizaron unha acción en defensa das montañas, continuando á desenvolta o ano anterior en defensa de Pena Trevinca contra o proxecto de construción dunha estación de esquí e as estruturas parellas. Desta volta ADEGA coordinou e promoveu en Galiza unha acción descentralizada que se desenvolveu no resto da Península. Consistiu na ascensión a diversos cumios, curutos e cuíñas cunha faixa co lema “Ningunha montaña sen protección”. As principais problemáticas apuntadas foron: incendios forestais, parques eólicos, canteiras, abertura de pistas e outras infraestruturas, monocultivos, e turismo agresivo con quads, motocross…
Queremos parar a desfeita. Reflexión sobre a situación ambiental de Galiza
Adela Figueroa
CERNA Nº 50 - CERNA x 50, 16 anos informándote. Especial incendios
Páx. 16 -17
Neste artigo, Adela Figueroa, fai un resumo dos problemas ambientais que se foron sucedendo no 2006 en Galiza. Da conta das vitorias logradas durante este ano, como a aprobación da primeira Iniciativa Lexislativa Popular en defensa dos ríos galegos, así como das loitas que seguen abertas pola defensa do medio ambiente en Galiza, como as canteiras ilegais. Tamén pon en valor o labor do voluntariado para a defensa do monte galego e a apertura do novo goberno cara ós temas medio ambientais.
Continuidade ou cambio? Reflexión sobre a situación ambiental de Galiza
Celestino Quintela Sabarís
CERNA Nº 50 - CERNA x 50, 16 anos informándote. Especial incendios
Páx. 18 – 19
Celestino Quintela Sabarís é coordinador xeral da FEG. Neste artigo, Celestino fai unha reflexión sobre a situación ambiental de Galiza co cambio de goberno. Apunta a que este cambio trouxo consigo unha maior permeabilidade cara as demandas sociais e un maior compromiso co medio ambiente por parte do goberno, pero aínda así queda moito traballo e moita planificación por facer para acadar a sustentabilidade ecolóxica que se pretende desde ADEGA e a FEG.
Lector@s e colaborador@s opinan de CERNA, do ecoloxismo e da situación ambiental en Galiza
Belén Rodríguez e Manuel Soto
CERNA Nº 50 - CERNA x 50, 16 anos informándote. Especial incendios
Páx. 20 – 24
Con motivo da publicación do número 50 de CERNA, mais tamén co obxectivo de pulsar unha opinión diversa sobre a situación ambiental nun momento en que a problemática se agudiza, e a pouco máis dun ano do cambio de goberno na máxima instancia administrativa e política galega, recadamos a testemuña de dez expertos e expertas pertencentes aos máis diversos eidos de actividade social, mais todos eles preocupados e implicados na problemática ambiental e lectores ou colaboradores desta revista. Velaquí o panel: Uxía Senlle, artista, portavoz de Nunca Máis. Paloma Fernández, concelleira en Caldas de Reis, membro da Coordi-nadora antiencoro de Caldas, Cuntis e Moraña. Marta Álvarez Santullano, concelleira en Santiago de Compostela. Manuel Antonio Fernández, profesor de ensino medio, experto en educación ambiental. Carlos Vales, director do CEIDA,experto en educación ambiental. Francisco Díaz Fierros, catedrático de edafoloxía (USC). María García, experta en xestión ambiental, ecoloxista. Xesús Pena Espiña, Xerente de Alvarella Ecoturismo SL. Anxo Moure, educador ambiental,contacontos, ecoloxista. Manuel Vázquez, conselleiro de medio ambiente da Xunta de Galiza. A todos eles e elas fixémoslle as seguintes preguntas: 1. Como valora a situación medio-ambiental galega? 2) Díganos 2 ou 3 problemas no eido ambiental que máis lle preocupan 3) Qué papel xoga ou deberían de xogar os/as ecoloxistas0? 4) Qué opina da revista CERNA?De seguido van as respostas, en moitos casos necesariamente resumidas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal