Buscador
Tambo, unha illa biodiversa
Martiño-Fiz López, Javier Calvo, Pablo Rodeiro
CERNA Nº 93 - Xustiza para o Ulla e a ría de Arousa
Páx. 26-31
O estudo botánico de 2023 na illa de Tambo identificou 236 especies de plantas vasculares, cun incremento do 72% respecto ao inventario de 2014. Detectouse unha alta biodiversidade vexetal nunha superficie moi reducida, o que evidencia a necesidade de protexer o ecosistema e abordar a erradicación gradual do Eucalyptus globulus, cuxa presenza está asociada a unha menor diversidade.
As mulleres gardiás da ría e do mar
Itzíar Díaz
CERNA Nº 93 - Xustiza para o Ulla e a ría de Arousa
Páx. 32-33
ADEGA sabe que un dos piares do ecoloxismo social é o ecofeminismo. No pasado ano 2024, a asociación desenvolveu o encontro “As mulleres gardiás da ría e do mar”, no marco do convenio nominativo co Concello da Coruña. Velaquí un resumo do que supuxeron
Tarugotón: a primeira acción simultánea de recollida de tarugos nas praias galegas
ADEGA, Limpiarousa, ProxectoaMARte e Surfrider España
CERNA Nº 93 - Xustiza para o Ulla e a ría de Arousa
Páx. 38-42
A fin de semana do 31 de xaneiro, 1 e 2 de febreiro, tivo lugar o Tarugotón, unha recollida simultánea de paus de batea ou tarugos ao longo de todo o litoral de Galiza, con réplicas mesmo nas costas de Cantabria. Esta iniciativa foi impulsada por catro entidades, LimpiArousa, ProxectoaMARte, Surfrider e ADEGA, que lograron poñer o foco nunha problemática moi presente nos nosos areais, aínda que tamén normalizada para algunhas persoas ou descoñecida para outras.
A xestión do lixo: da sanción europea ao futuro sistema de depósito, devolución e retorno
Manuel Soto Castiñeira
CERNA Nº 93 - Xustiza para o Ulla e a ría de Arousa
Páx. 34-37
Xunto co anuncio da suba das taxas do lixo por SOGAMA que analizamos no número anterior de Cerna, no pasado outono de 2024 e primeiros meses do 2025 foron noticia outras dúas cuestións no eido da xestión dos residuos urbanos: a sanción da Unión Europea ao Estado español por non ter acadado o obxectivo de reciclaxe do 50% en 2020, e o baixo nivel de recollida separada en orixe das botellas de plástico dun só uso, que lonxe de acadar o 70% previsto na normativa, ficou no 41,3% en 2023. Son moitas as implicacións de todo isto para Galiza.
O monte vivo no IES de Ponte Caldelas: concienciación ambiental e recuperación do patrimonio
M. Isabel Torres Jack
CERNA Nº 93 - Xustiza para o Ulla e a ría de Arousa
Páx. 43-45
Desde o curso 2017/18, o IES de Ponte Caldelas participa no "Monte Vivo", un gran proxecto educativo interdisciplinar que xorde a raíz dos incendios de outubro de 2017, que motivaron en nós un interese por concienciar sobre os coidados do monte e a prevención de futuros lumes. Este traballo integra diversas liñas mestras de actuación pedagóxica do noso centro educativo, en base á educación implicada na contorna, tanto no patrimonio natural como no etnográfico, a través de traballos de investigación. A principal finalidade do proxecto é a concienciación sobre a importancia da conservación dos ecosistemas forestais autóctonos, ante a situación de falta de xestión do monte que estamos a vivir.
Longarela, música a carón da auga
Alejo Rodríguez Chorén, Ana Mayo Pais, María Piñeiro Caamaño, Silvia Pérez Madariaga
CERNA Nº 93 - Xustiza para o Ulla e a ría de Arousa
Páx. 46-48
Longarela é o proxecto presentado polo CEIP Plurilingüe de Louro (Muros) no marco do programa Proxecto Ríos, unha iniciativa de educación e voluntariado ambiental do Plan Proxecta que busca sensibilizar a comunidade sobre a importancia dos ecosistemas fluviais. Neste ano quixemos poñer unha mirada especial nas Letras Galegas e o seu tributo ás cantareiras e á música tradicional, o que nos deu a oportunidade de destacar a relación entre os ríos galegos e o legado musical do noso pobo.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal