Buscador
Entrevista a Francisco Díaz Fierros
Entrevistado por Belén Rodríguez
CERNA Nº 63 - Galiza: Territorio agredido
Páx. 36 - 38
Francisco Díaz-Fierros Viqueira é doutor en Farmacia e Catedrático de Edafoloxía e Química Agrícola pola Universidade de Santiago de Compostela. Foi presidente da Sociedade Galega de Historia Natural e da Sección de Física e Solo da Sociedade Española de Ciencia do Solo, e desde 1980 encabeza a Xunta rectora do Seminario de Estudos Galegos. Actualmente tamén é vicepresidente do Consello da Cultura Galega. Recibiu varios premios pola súa contribución ao mundo das Ciencias e é autor dunha extensa lista de publicacións de carácter científico e cultural.
A micofobia en Galiza. O choupín
Cristovo Ruiz Leivas
CERNA Nº 63 - Galiza: Territorio agredido
Páx. 39 - 40
Na Galiza os cogomelos son abundantes debido a climatoloxía o que supuxo en épocas pasadas que existise alto coñecemento sobre os mesmos, foi a Igrexa a que eliminou da cultura escrita todas as referencias a estas especies ao consideralas diabólicas. Inda así hai una certa recuperación dos restos orais que quedaron en certas rexións do pais como pode ser a comarca de Valdeorras, e que permiten observacións tan importantes como que aqueles cogomelos cuxo nome local comeza por PAN- son comestibles.
Os soutos e a micorrización
Esteban Sinde Stompel
CERNA Nº 63 - Galiza: Territorio agredido
Páx. 41
A tinta foi unha enfermidade que asolou case tódolos soutos galegos, pero o avance biolóxico permitiu mediante o cruce das especies de castiñeiro autóctono co Xaponés crear un hibrido coa calidade en tamaño e produción de castaña do galego e a resistencia ao fungo phytophtora cinamoni, este híbrido permite obter unha alta produción de castaña, o que sumado a micorrización, que permite a produción de cogomelos de calidade e mellora a saúde da planta ao favorecer a captura de auga entre outros beneficios, permite ter explotacións de soutos que son máis rendibles economicamente incluso cas de eucaliptos.
CEIDA: 10 anos de educación ambiental
Ana Belén Pardo, Natalia Neira, Verónica Pajón
CERNA Nº 63 - Galiza: Territorio agredido
Páx. 42 - 43
O CEIDA, Centro de Extensión Universitaria e Divulgación Ambiental, é o centro de referencia en educación ambiental de Galiza. Osseus 10 anos de traxectoria son testemuña do traballo da entidade por acadar o seu obxectivo principal: promover a sensibilizacióne capacitación para resolver os problemas socioambientais da sociedade galega.
A pezoña pintada
Xosé Salvadores
CERNA Nº 63 - Galiza: Territorio agredido
Páx. 44
A píntega é un anfibio que na cultura popular galega se identificou sempre con un ser maléfico capaz de causar enfermidades so co seu alento ou co seu paso por un lugar, máis lonxe da realidade, pois esta especie apenas nos pode causar a irritación da pel se a manipulamos, debido a unha secreción cutánea que é a súa única defensa.
O marmeleiro
Mª Xosé Castro e Gemma Pérez
CERNA Nº 63 - Galiza: Territorio agredido
Páx. 45
O marmeleiro é unha árbore de tamaño medio que proporciona un froito doce unha vez cociñado, esta árbore medra en zonas de veráns calorosos e invernos longos, e dicir, ten boa cabida nas zonas onde proliferan as vides, extensas areas no sur do noso país. Esta árbore foi adorada por outras culturas do mediterráneo, inda que a súa orixe é asiática.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal