Buscador
O plan sectorial de ordenación do litoral, unha aproximación ambiental
Daniel López Vispo
CERNA Nº 61 - Lei do solo: Legalizar a especulación
Páx. 15
En Galiza xa tivemos varias leis de costas que non se respectaron, sobre as que a especulación industrial e urbanística estivo por enriba, é por iso que os ecoloxistas non confiamos nas novas Directrices de Ordenación do Territorio nin no posterior Plan Sectorial de Ordenación do Litoral que comezou a súa redacción con tres anos de retraso. Inda así, dende o eido ecoloxista que facer un grande esforzo de análise no período de consulta pública; e desde a Consellería de Medio Ambiente, Territorio e Infraestruturas haberá que mostrar disposición ao diálogo para poder facer deste planeamento un rigoroso marco legal desde o que ordenar o noso litoral dunha forma racional e sen ceder as presións especulativas.
A acuicultura mariña en Galiza, exemplo do que non se debe facer
Martiño-Fiz López Lindoso
CERNA Nº 61 - Lei do solo: Legalizar a especulación
Páx. 16
A acuicultura viuse como unha solución potencial a escaseza de alimentos no mundo, máis lonxe de combater este problema, as empresas so buscan o enriquecemento sen ter en conta os impactos ambientais que supoñen estas industrias no litoral. Ao mesmo tempo o goberno so viu intereses económicos, polo que sempre estivo a disposición destas empresas favorecendo os seus intereses rebaixando os requisitos da actividade acuícola. So a actual crise económica que fixo baixar os prezos e o recorte das axudas europeas puxo fin ao crecemento destes destrutores do litoral galego.
As eivas do dereito ambiental en Galiza
Belén Rodríguez
CERNA Nº 61 - Lei do solo: Legalizar a especulación
Páx. 17
No marco das xornadas “Sociedade e Ambiente na Galiza” organizadas por ADEGA e a USC na Escola Politécnica Superior de Lugo,en conmemoración do Día da Terra, celebrouse a mesa redonda “A lexislación ambiental como ferramenta para a defensa do medio ambiente”. A esta mesa redonda asistiron o Fiscal de Medio Ambiente de Galiza, Álvaro García Ortiz, a profesora de dereito ambiental, Alba Nogueira López, e o avogado de ADEGA, Apolinar Gómez Roca. Todos eles afondaron nos instrumentos legais dos que dispón a sociedade galega para facer cumprir a lexislación ambiental e tamén trataron as dificultades existentes para facer que eses instrumentos sexan efectivos.
Segundo o rexistro PRTR-España. Grandes contaminantes industriais en Galiza
Ramón Varela Díaz
CERNA Nº 61 - Lei do solo: Legalizar a especulación
Páx. 18 - 21
Unha fonte fiable para coñecer a contaminación das grandes industrias é o rexistro estatal de emisións e fontes contaminantes, ou PRTR-España, se observamos detidamente este rexistro podemos observar que Galiza ten unha industrias altamente contaminantes en relación a súa poboación, industrialización ou desenvolvemento, isto explicase vendo a que abastecen estas industrias, que no canto de producir para Galiza producen para todo o estado, por iso, compre que se rebaixe pronto e de forma importante a emisión e o vertido que realizan determinadas industrias.
III Encontro sobre os lobo galego
Belén Rodríguez
CERNA Nº 61 - Lei do solo: Legalizar a especulación
Páx. 23
O 24 e 25 de abril celebrouse en Oleiros, no Castelo de Santa Cruz, o III Encontro sobre o lobo galego, organizado por ADEGA e o CEIDA.Desta volta, os relatores foron Luis Llaneza, redactor do Plano de Xestión do Lobo en Galiza; Roberto Hermida, biólogo da USC e estudoso da morfoloxía do animal e José Luis Santiago e Javier Franco, técnicos do Concello de Puebla de Sanabria. Na mesa redonda sobre a situación actual da problemática do lobo participaron membros do sindicato Xóvenes Agricultores, da asociación OVICA, a Cooperativa Monte Cabalar, a Asociación de Gandeiros de San Martiño de Oleiros (Barbanza) e o xefe do servizo de conservación da biodiversidade, Xesús Santamarina, en representación da Administración. Na última xornada houbo unha visita guiada ás instalación de Marcelle Natureza (Outeiro de Rei) e realizouse un roteiro polo Incio, á cargo da asociación cultural “A Ouriceira”.
O corvo mariño vaise
Ignacio Munilla, Alberto Velano e David Álvarez
CERNA Nº 61 - Lei do solo: Legalizar a especulación
Páx. 24 - 26
O corvo mariño é unha especie en perigo de extinción, que abunda nas costas atlánticas, pero que dende finais da década dos noventa até o 2007 perdeu o 50% das parellas reprodutivas en Galiza. Este descenso tan grande pode ter varias explicación. Por unha banda, as artes de pesca que se utilizan na zona diminúen as cantidades de peixe das que se alimenta a especie e tamén provocan que algúns individuos queden atrapados nas redes mentres pescan. Por outra banda o Prestige diminuíu moito as poboacións dos peixes que viven nos fondos lamosos e areosos e que son tamén parte da dieta do corvo mariño. Por último, e a causa que precisa unha solución máis urxente é a chegada de carnívoros terrestres invasores como gatos domésticos, zorros e sobre todo o visón americano, cunha gran capacidade para nadar, que lle permite chegar as illas máis afastadas da costa.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal