Buscador
A primavera e o tanaceto
Xosé Salvadores e Marga Miguens
CERNA Nº 71 - Outra xestión do lixo é posíbel
Páx. 34-35
Nesta sección de flora e fauna de Galiza exaltamos algúns dos animaliños máis representativos da primavera que chamaron a atención do noso colaborador Pepe Salvadores, e describimos a herba lombrigueira ou tanaceto coa axuda de Marga Miguens.
Xornadas Charcas con Vida. Iniciativas para a conservación de charcas
Redacción/Cerna
CERNA Nº 69 - Charcas con Vida: os pequenos humidais na túa man
Páx. 41
O pasado 2 de febreiro de 2013, Día mundial dos humidais, celebrouse no Pazo da Cultura de Pontevedra unha xornada sobre charcas, organizada por ADEGA coa colaboración da Fundación Biodiversidad, do Ministerio de Agricultura, Alimentación e Medio Ambiente, e financiada polo Concello de Pontevedra. A finalidade foi divulgar a importancia destes ameazados ecosistemas e coñecer diferentes iniciativas de estudo e conservación, alén de dar a coñecer o novo proxecto de custodia e voluntariado ambiental de ADEGA: Charcas con Vida.
Recursos 70
Ramsés Pérez
CERNA Nº 70 - Reforma eléctrica contra as enerxías renovábeis
Páx. 9
Se estás interesad@ en que divulguemos na revista galega de ecoloxía e medio ambienteCerna algún libro, CD, revista, película, documental, etc., ponte en contacto con nós no seguinte enderezo electrónico: ramses@adega.gal, indicando ‘Recursos Cerna’. Consulta as as nosas recomendacións desta edición.
Cambios lexislativos que afogan as renovábeis
Fermando Blanco Silva
CERNA Nº 70 - Reforma eléctrica contra as enerxías renovábeis
Páx. 10-12
Co fin de frear o chamado "Déficit Tarifario", o goberno español vén de crear unha nova normativa que impide, na práctica, que as novas centrais eléctricas que usen tecnoloxías renovábeis sexan beneficiarias das primas á produción, imprescindíbeis para que sexan economicamente interesantes. O peche temporal foi inmediato e todas as instalacións que desde ese momento están fóra do Rexistro non teñen dereito a percibir primas á produción. Outro aspecto importante da Reforma Eléctrica é que non regula o autoconsumo,é dicir, cando unha empresa consume a enerxía que ela mesma produce. Estas mudanzas normativas e as súas consecuencias para o sector e para o consumidor son analizadas detalladamente polo Responsábel de Enerxía da USC.
As centrais de bombeo: Unha nova ameaza para os nosos ríos
Fins Eirexas
CERNA Nº 70 - Reforma eléctrica contra as enerxías renovábeis
Páx. 13-15
A razón destas centrais de bombeo ou de ciclo reversíbel non é outra que especulación enerxética. Lonxe de significar unha medida para mellorar a eficiencia, promover a suficiencia ou proporcionar estabilidade ao subministro eléctrico, estes proxectos son para ADEGA un inmenso timo, unha estafa perpetrada coa cooperación necesaria das administracións, cómplices dun verdadeiro lavado de megavatios suxos e dunha descarada malversación de fondos públicos. Fins Eirexas, estuda os casos concretos que afectan ao ambiente, e nomeadamente, a ríos de Galiza.
A xestión do lixo: Situación na Galiza e noutras áreas do Estado español
Manuel Soto
CERNA Nº 70 - Reforma eléctrica contra as enerxías renovábeis
Páx. 16-19
Neste artigo revisamos os modelos e os resultados da xestión do lixo en diferentes ámbitos do Estado español. A recollida separada encóntrase hoxe xeralizada a través de sistemas que segregan 4 ou 5 fraccións diferenciadas. Os modelos de 4 fraccións baseados na separación dobre húmido-seco e as recollidas monomateriais de papel-cartón e vidro (Córdoba, Montejurra (Navarra), Barbanza, Nostián) atinxen recuperacións no rango do 13 ao 28% do lixo en materiais reciclábeis e do 8 ao 20% do lixo en materia orgánica compostábel, con valores globais do 30-35% en masa. Os modelos que prescinden da recollida separada da materia orgánica, como SOGAMA ou Pamplona, reciclan entre o 8 e o 22%, mentres que entre o 68 e o 90% dosresiduos municipais recóllense mesturados e sen posibilidades de recuperación. Os modelos de recollida porta a porta, de aplicación en moitos concellos cataláns (e máis recentemente tamén en Euskadi), segregan igualmente 4 ou 5 fraccións, mais con resultados moi superiores en cantidade e calidade. Entre os ámbitos estudados, Barbanza mostra os mellores resultados e SOGAMA, os peores.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal