Buscador
Balanço eléctrico na Galiza
Celestino Quintela
Páx. 24-25
O pasado 15 de Junho, a economista Yolanda Zotes defendeu na Facultade de Económicas da USC umha interessante tese de licenciatura. Intitulada "Revisióm Crítica das Fontes Estatísticas do Sector Eléctrico, Ano 2000. O Balance Eléctrico de Galiza", nela revisarom-se os dados do sector eléctrico galego no ano 2000. As diferentes conclusons obtidas pola investigadora tenhem um grande interesse social e representam novos argumentos a favor dumha reformulaçom da política eléctrica no nosso país.
Entrevista a Purificación Morandeira, comisionaria para o Prestige
CERNA
Páx. 28-29
Purificación Morandeira, leva traballando desde o inicio da catástrofe do Prestige no Comisionado que o anterior Goberno creou ao efecto, do que era o número 2 da área de Medio Ambiente. Agora, co novo Goberno socialista, accedeu á dirección da Oficina do Comisionado. É polo tanto unha referencia para termos unha visión global de como se xestionou e como se xestiona o "post-Prestige". En resposta ás preguntas de CERNA, Purificación valora o labora da oficina do Comisionado e a seguridade marítima das costas galegas.
Prestige vinte meses despois
Martiño Nercellas Méndez
Páx. 30-31
O chapapote segue presente en numerosos lugares da costa, lonxe do que vimos nas imaxes que deron a volta ao mundo pero en cantidades que aínda supoñen un importante reservorio de contaminación e que debe ser retirado. A decisión política de por punto e final ás labores de limpeza e restauración en Setembro será un grave erro.
Recuperar a lagoa de Louro
Amanda del Río Murillo, Vanesa Sánchez Ortega
Páx. 32-33
O monte e a Lagoa de Louro (ou Xalfas) forman un espazo natural de singular valor localizado no Concello de Muros. Este Lugar de Importancia Comunitaria (LIC) está integrado na Rede Natura 2000, unha rede de espazos para a conservación dos hábitats e especies máis relevantes da UE.
Novo pulso xudicial en Pontevedra
Antón Masa
Páx. 34-36
Desde que o Consello da Xunta de Galiza tomou a decisión de aprobar pola vía de "incidencia supramunicipal" o proxecto de instalación dunha papeleira de papel "tisú" no complexo industrial de ENCE - CaixaGalicia na enseada de Lourizán (Pontevedra), a loita contra a consolidación e ampliación do citado complexo -que é unha constante desde o mesmo momento en que chegou á ría alá polos anos 50- ten tomado un enorme protagonismo tanto na vida política como no eido xudicial na bisbarra Pontevedra.
Impostos ambientais
María Xosé Vázquez Rodríguez
Páx. 37-39
No pasado mes de Marzo unha sentenza do Tribunal Superior de Galiza, establecía que o Imposto sobre Contaminación Atmosférica (ICA) da Comunidade Autónoma Galega é legal e constitucional, en contra do recurso interposto polas empresas afectadas , que intentaban evadir de novo o pago baixo o argumento de insonstitucionalidade e discriminación respecto empresas similares ubicadas noutras comunidades autónomas do Estado.O presente informe intentará explicar brevemente en que consiste a imposición ambiental e, en concreto, os termos concretos de aplicación do ICA galego, aportando unha breve reflexión sobre o funcionamento desde instrumento económico é hora de mitigar o problema ambiental para o cal foi definido, as emisións causantes da choiva ácida.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal