Buscador
Iniciativa Lexislativa Popular (ILP)
Manuel Soto, Alberte Sánchez
Páx. 26-27
Os ríos galegos atópanse hoxe en perigo. A alteración física, debida sobre todo ás presas hidroeléctricas, a perda e degradación dos hábitats, á invasión das zonas de inundación debido a todo tipo de construccións, á sobreecplotación piscícola, á contaminación e á introdución de especies alóctonas, son os factores que máis contribúen á diminución da súa biodivesidade. O salmón é un bo indicativo da perda de poboación nos nosos ríos: nos últimos 50 anos , as súas existencias reducíronse en máis dun 99%. Os recursos socio-culturais relacionados co medio fluvial corren a mesma sorte que os nosos ríos.
O río Miño en perigo
Anxo F. Saborido
Páx. 28-29
Cando fai uns anos se desbotou a construcción do Encoro de Sela polo seu forte impacto ambiental deixábase a porta aberta para a construcción dun novo aproveitamento hidroeléctrico. Prevese agora a construcción de 3 encoros duns 23 metros de alta cada un, cunha coroa que chega a superar os 300 metros de lonxitude, e que asolagarían uns 20km de río e inundarían máis de duascentas hectáreas de terreo. Na actualidade, a conca do Río Miño, incluíndo, pois, aos afluíntes, é a conca que conta coa máis elevada densidade de aproveitamentos hidroeléctricos do Estado Español, aparecendo un grande encoro ou outra presa menos cada 500km cadrados. A recén creada Plataforma Cívica pola Defensa do Río Miño tentará evitar que se constrúan os encoros novos, concienciando á poboación de que non son necesarios e que o interese colectivo debe primar sobre os intereses económicos duns poucos.
As pesqueiras do Miño
Alberte Reboreda
Páx. 30-31
As pesqueiras ou pescos son un tipo de construcción presente nos grandes ríos de Galiza (Tambre, Ulla, Miño...). A empresa Unión Fenosa, concesionaria de moitos dos encoros construídos no noso país desde a ditadura, anegou boa parte dos pescos situados no Tambre coa construción do encoro Barrié de la Maza. Así mesmo, unha de cada tres pesqueiras do Miño desapareceron para sempre pola construción dos encoros de Frieira, Castrelo do Miño, Velle, Os Peares e Belesar. A construcción de tres novas presas no Baixo Miño traería consigo o asolagamento e destrución dun patrimonio natural e cultural dun valor excepcional. As pesqueiras, pezas clave deste patrimonio tamén se verían afectadas gravemente.
Carbón ou cambio climático?
Xosé Vieiras García
Páx. 32-34
A proposta do goberno central para o reparto dos dereitos gratuítos de emisión de dióxido de carbono, o principal gas causante do cambio climático, entre as industrias suxeitas á directivas europeas sobre o comercio de emisións desatou na Galiza a oposición da Xunta e dos principais sindicatos e forzas políticas. Ao seu xuízo, a proposta sería negativa para Galiza por penalizar as centrais térmicas de carbón. Comprobamos así, o inconscientes que son algúns compromisos co Procotolo de Quioto. Entre o carbón e a prevención do cambio climático hai quen prefire o primeiro, e non só ENDESA ou Unión Fenosa.
Futura térmica de gas natural nas Pontes
Guerrilleiros das Fragas
Páx. 35
O grupo ecoloxista "Guerrilleiros das Fragas" presentou alegacións ao proxecto de central de ciclo combinado das Pontes. A xuízo dos ecoloxistas das pontes, o proxecto, senón se modifica, sería unha ameaza para o contorno natural e a saúde dos ponteses e pontesas. ENDESA, pretende que esta nova central de 800 MW se sume á existente de carbón, que se reconvertería para queimar só carbón de importación.
Entrevista a Ramón Varela
Xosé Veiras
Páx. 36-37
Ramón Varela, doutor en Ciencias Biolóxicas pola Universidade Autónoma de Madrid e presidente de ADEGA entre 1981 e 1996, den de publicar "Contaminación atmosférica en Galiza". Este libro, un inventario de emisións de gases de efecto invernadoiro, acidificantes e dioxinas, mostra como as emisións contaminantes á atmosfera no noso país son moi elevadas, superiores ás que corresponderían ao noso nivel de industrialización e ao noso nivel de vida. Por exemplo, as emisións de dióxido de carbono por quilómetro cadrado duplican ás do conxunto do estado español. As centrais térmicas de carbón das Pontes e de Meirama explican este proceso.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal