Buscador
Especies invasoras en Galiza
Antonio Gigirey Suárez
CERNA Nº 40 - Especies invasoras
Páx. 38-39
A abertura de cada vez maior número de fronteiras ao mercado así como a explotación dunha maior diversidade de recursos son reflexo da frenética actividade comercial que caracteriza á sociedade actual de consumo. Este proceso "globalizador", aparte dos riscos que pode ocasionar á estabilidade da poboación mundial, é o responsable de importantes alteracións no medio natural entre as cales está a perda de biodiversidade como consecuencia da introdución de especies invasoras.
Xerardo Álvarez Limeses (III)
Emilio Xosé Insua
CERNA Nº 40 - Especies invasoras
Páx. 40-41
Falamos do poeta que escribiu entre dous séculos. Nuns casos, empregando os recursos da visión pictórica sobre a paisaxe e dos seus elementos, isto é, un descritivismo decimonónico, mais que por momentos achégase á técnica impresionista e recorre algunha que outra metáfora de inspiración imaxinista. Analizamos algunha destas creacións no artigo que segue.
Dossier: A construcción da Galiza urbana
X.L. Martínez Suárez
CERNA Nº 41 - Especial: Urbanismo
Páx. 1-8 Dossier
Estamos diante da gran tramolla da "arquitectura das estrelas". Fora do reducido espazo escénico no que se está á desenvolver o espectáculo emerxen os vellos problemas de sempre que seguen á estar na orixe das preocupacións cotiáns da inmensa maioría da poboación: o dereito á vivenda, o problema do tráfico e do transporte, o cancro da especulació inmobiliaria, o dereito á cidade e á loita contra a exclusión social e a marxinalidade espacial, a defensa da natureza e do meio ambiente, en fin, o respeto a unha cultura e a unha historia que ten escritas na individualidade das paisaxes territoriais e urbanas, as chaves que unha vez desveladas constituirán un dos activos fundamentais para a plasmación dun urbanismo sustentábel na construción da Galiza urbana.
Denuncia penal contra EXLABESA
Virginia Rodríguez
CERNA Nº 41 - Especial: Urbanismo
Páx. 10
O pasado día 5 de Febreiro, ADEGA presentou unha denuncia penal contra o grupo EXLABESA, polo carácter nocivo dos vertidos e o perigo de rotura das balsas nas que se almacenan os resíduos, na súa factoría de Rois (A Coruña). Pretende ser unha chamada de atención para outras empresas en situación semellante, e para as administracións públicas responsábeis de velaren polo correcto cumprimento da lexislación ambiental. O seu obxectivo é que o grupo EXLABESA sexa social e ambientalmente responsábel e legalice a súa situación, polo que non procura o peche nin a perda de postos de traballo. Neste sentido, xa deu lugar a un covenio asinado de asesoramento Científico-Técnico entre o FEUGA e o grupo EXLABESA.
A contaminación do carbón na Coruña
Ramón Muñiz
CERNA Nº 41 - Especial: Urbanismo
Páx. 11
Os veciños dos barrios aledaños ao porto da Coruña levaron durante tempo unha loita, paradigmática pola súa perseverancia, para rematar os problemas de contaminación que porducían as descargas de carbón a ceo aberto. Durante cinco meses, todos os xoves, un importante número de persoas afectadas manifestábanse de nove ás dez da noite no mirador dos Castros. Os resultados, agora, están á vista.
Educación Ambiental: en punto morto
Ramsés Pérez, Manolo Soto Castiñeira
CERNA Nº 41 - Especial: Urbanismo
Páx. 12
O que puido ser un punto de inflexión na educación ambiental no noso país, quedouse só nunha caricatura. O 9 de Novembro de 1999, aprobouse no Consello Galego de Medio Ambiente a Estratexia Galega de Educación Ambiental (EGEA), sen ningún voto en contra pero coa abstención de ADEGA. Esta abstención foi explicada con precisión e resultou premonitora: criticábase a diverxencia entre documento teórico e a política ambiental da Xunta, e dubidábase da intención desta de levar á práctica os seus contidos e recomendacións. Catro anos despois, estas dúbidas parecen plenamente confirmadas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal