Buscador
22/09/2017 [00:10:00] [5.74 MB]
Boletín informativo ambiental 22/09/17
Damos un repaso a actualidade galega no terreo ambiental e da ecoloxía. Acompáñanos!
20/09/2017 [00:10:00] [5.73 MB]
A actual xestión da uña de gato favorece a súa expansión
A actual xestión da planta invasora máis abundante da nosa costa, a uña de gato ou "Carpobrotus edulis", favorece a súa expansión. Isto é o que conclúe un estudo realizado pola Universidades de Compostela e de Vigo que propón un cambio nas formas de xestión desta planta exótica invasora tan presente nos ecosistemas dunares e costeiros de Galiza. O investigador principal deste traballo, Luis González, explica cal sería a mellor forma de enfocar o problema.
18/09/2017 [00:10:00] [9.17 MB]
Menos trámites e participación pública: máis minería, eucaliptos e eólicos
A redución de prazos e requirimentos administrativos e regular a predominancia do desenvolvemento de parques eólicos, minas, plantacións e cortas, proxectos enerxéticos sobre outros usos do territorio é a intención real da proposición de lei de fomento de iniciativas empresarias impulsada polo PP no Parlamento, segundo a Alianza Rural Galega. Esta Alianza composta por ADEGA, CIG, FRUGA e a ORGACCMM asegura que a nova normativa en tramitación parlamentaria, pon en risco moitas cautelas ambientais que ata agora se aplicaban e mingua o dereito dos cidadáns a decidir e algar contra este tipo de iniciativas.
15/09/2017 [00:10:00] [5.74 MB]
Boletín informativo ambiental 15/09/17
A actualidade ambiental da semana en 10 minutos! Escoita Radio Cerna!
13/09/2017 [00:10:00] [9.21 MB]
Mirada histórica aos lumes forestais en Galiza e no resto da Península
Un estudo do Centro de Investigación Forestal CIFOR-INIA do Ministerio de Economía, Industria e Competitividade vén de publicar unha monografía sobre incendios forestais na España peninsular desde 1974 a 2010. Esta mirada histórica dos incendios na Península permítenos extraer datos relativos tamén ao número de incendios, hectáreas queimadas, índice de reincidencia ou territorios máis afectados na Península e, en particular, en Galiza, onde arderon 1,6 millóns de hectáreas, e só 50.000 Ha en Ourense. Este estudo tamén demostra que as especies arbóreas que máis arden son os piñeiros e os eucaliptos. Falamos co seu autor, Antonio Vázquez de la Cueva.
11/09/2017 [00:10:00] [5.74 MB]
Baterías para o autoconsumo enerxético no fogar
Pódese almacenar a enerxía renovable? As baterías de autoconsumo son unha solución eficiente? Só Tesla vende este tipo de baterías? Son asequibles para calquera fogar? Con que trabas se atopan estas baterías de litio en España? Nete espazo de Radio Cerna trataremos de resolver estas dúbidas e algunhas máis cun experto en autoconsumo e baterías de acumulación de enerxía renovable.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal