Buscador
06/11/2017 [00:10:00] [9.19 MB]
A xestión da crise da auga na bacía Miño-Sil
A escaseza de chuvia durante todo o ano 2017 fai que comece o presente ano hidrolóxico con alerta por seca en 6 sistemas da bacía Galicia-Costa e en toda a bacía do Miño-Sil. Despois dos incendios esta é a maior crise ambiental que está a sufrir o noso país nos últimos meses. Esta semana entrevistamos en Radio Cerna aos máximos responsables en Galiza da xestión dos nosos recursos hidricos. Desta volta falamos co presidente da Confederación Hidrográfica Miño-Sil, Francisco Marín.
03/11/2017 [00:10:00] [5.74 MB]
Boletín informativo ambiental 03/11/2017
Coñece as novas ambientais máis destacadas desta semana con Radio Cerna, un programa de medio ambiente e ecoloxía que che ofrece ADEGA!
30/10/2017 [00:10:00] [9.16 MB]
Primeiro voluntariado para restaurar a través da Xunta montes queimados
A través do proxecto de innovación docente "Plantando cara ao lume", a Universidade de Santiago de Compostela está a formar aos primeiros voluntarios e voluntarias con capacitación suficiente para participar nos labores de restauración de montes queimados que leve a cabo a Xunta de Galiza. É o primeiro programa, ata agora coñecido, que apoia a Xunta co obxectivo de crear un dispositivo oficial de voluntariado contra o lume, despois da última vaga de lumes. A última experiencia similar tivo lugar en 2006, baixo o nome de Voluntariado en Defensa de Monte Galego, que deixou de funcionar co cambio de goberno autonómico. Agustín Merino, coordinador do proxecto "Plantando cara ao lume" mostra neste espazo que obxectivos persegue este programa formativo universitario e como se está a desenvolver.
27/10/2017 [00:10:00] [5.72 MB]
Boletín informativo ambiental 27/10/2017
Repasamos a actualidade ambiental de Galiza, na que os lumes seguen sendo o centro de atención. Coñécea!
25/10/2017 [00:10:00] [5.76 MB]
Que facer agora nos terreos queimados?
A directora do Grupo de investigación sobre a Ecoloxía do Lume da Universidade de Santiago (USC) explícanos que se debe e non se debe facer de forma inmediata nos terreos queimados.
23/10/2017 [00:10:00] [9.18 MB]
Unha lei diferente para un monte diferente
Unha rede de 60 entidades galegas conformadas baixo o nome "Cousa de Raíces" vén de presentar no Parlamento galego unha proposición de lei por iniciativa lexislativa popular que pretende regular cara un modelo máis sostible o monte galego. Os seus obxectivos princiais son potenciar o bosque autóctono, frear o eucalipto, mellorar a xestión do monte e loitar contra os lumes forestais. O texto normativo será agora avaliado polo Parlamento para admitir ou non a súa tramitación.
Máis información en: http://cousaderaices.wordpress.com ou http://adega.gal
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal