Buscador
19/10/2018 [00:10:00] [6.87 MB]
Boletín informativo ambiental 19/10/18
Repasamos a actualidade ambiental galega en 10 minutos! Non o perdas!
17/10/2018 [00:10:00] [6.90 MB]
ADEGA celebra a VII Limpeza simultánea dos areais galegos
O vindeiro venres e sábado, 19 e 20 de outubro, terá lugar en Galiza a VII Limpeza simultánea das praias galegas, organizada por ADEGA. O voluntariado ambiental sairá de novo ao litoral galego para recoller residuos que están a facer un grave dano á nosa fauna mariña e á contorna ambiental, pero que tamén acabamos inxerindo as persoas a través da cadea alimentaria. Itziar Díaz, educadora ambiental de ADEGA, dá conta dos detalles da actividade neste espazo de Radio Cerna.
15/10/2018 [00:10:00] [6.91 MB]
ADEGA e Mariña Patrimonio denuncian a Patrimonio da Xunta por posible prevaricación
Ambas entidades entenden que existen suficientes indicios de delito penal para que a Fiscalía denuncie a Dirección Xeral de Patrimonio Cultural da Xunta nos xulgados. Presentaron ante o Ministerio Fiscal varias denuncias que poñen en cuestión a actuación do funcionariado público deste departamento e destacan o caso de destrución do Castro de Trinidade-Flores de Mondoñedo. Neste espazo recóllese parte das declaracións vertidas en rolda de prensa por representantes de ADEGA e Mariña Patrimonio.
10/10/2018 [00:10:00] [6.88 MB]
Piden a demolición do encoro de Ponte Inferno no río Verdugo
A Rente de Chan- Pladever, xunto con ADEGA e AEMS Ríos con Vida, veñen de pedir a extinción da concesión de auga para o aproveitamento hidroeléctrico Ponte Inferno do río Verdugo e a posterior demolición da presa. A central leva 115 anos explotando sen interrupción o río Verdugo, malia as deficiencias legais e tecnolóxicas que padece e que, segundo Pladever, nunca foron solventadas. De derrubarse, esta sería a primeira presa hidroeléctrica eliminada do río Verdugo, un efluente que agora tamén se ve ameazado pola proposta do seu transvasamento cara o Encoro de Eiras.
08/10/2018 [00:10:00] [6.87 MB]
NON ao novo Plan Forestal (e forestalista) de Galiza
Máis de 70 entidades, colectivos e organizacións de carácter ecoloxista, sindical, sectorial, empresarial, etc., piden a anulación da primeira revisión do Plan Forestal de Galiza de 1992, pola forma e polos contidos. Por falta de consenso social, de rigor e de datos actualizados sobre a superficie forestal galega; pero sobre todo polos contidos, que segundo estas entidades, están feitos á medida das necesidades e ambicións da industria forestalista e enerxética.
05/10/2018 [00:10:00] [6.87 MB]
Boletín informativo ambiental 05/10/18
Neste espazo de radio coñecerás as novidades ambientais máis destacadas dos últimos días en Galiza.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal