Buscador
26/06/2020 [00:10:00] [6.93 MB]
Boletín informativo ambiental 26/06/20
Repasa con Radio Cerna (ADEGA) as novas ambientais da semana. A fin do estado de alarma, a negativa de Alcoa a negociar e o futuro incerto da Mariña, un novo decreto lei sobre enerxía e unha sentenza que recoñece falsificación de documentos por parte de cargos da Xunta, aos que porén, absolve e outras novas que che achegamos neste boletín informativo semanal.
19/06/2020 [00:10:00] [6.90 MB]
Boletín informativo ambiental 19/06/20
Alcoa segue no centro da actualidade. Neste conflito represéntase o conflito entre o vello e o novo modelo industrial cara ao que viran as grandes industrias contaminantes, na procura de rendibilidade e fondos públicos de apoio. ADEGA publica o informe "5 Verdades e 5 mentiras sobre Alcoa. Na procura dunha solución integral para a Mariña" e a Xunta presenta 3 iniciativas industriais de cara á economía circular, concepto que envolve os contidos deste boletín informativo.
04/06/2020 [00:10:00] [6.89 MB]
Boletín informativo ambiental 05/05/20
Neste Día Mundial do Medio Ambiente, Radio Cerna dá conta dalgunhas das actividades que o movemento ecoloxista galego realizará para celebrar esta xornada na que se presentan propostas de cambio das políticas ambientais, se realizan palestras e debates ou performance na rúa. Actividades todas elas con referencias á crise actual e á necesidade de cambios radicais na nosa sociedade e con respecto á Natureza. A situación de Alcoa, outro caso destacado da semana.
29/05/2020 [00:10:00] [6.88 MB]
Boletín informativo ambiental 29/05/20
Algunhas das novas da semana no plano ambiental e social: o despedimento de máis de 500 empregados da factoría de Aluminio de Alcoa, o recurso de 107 colectivos contra a continuidade de tramitacións relativas a proxectos industriais agresivos ou o impacto da Covid-19 no mar e na xeración de plástico. Isto e moito máis no boletín informativo de Radio Cerna de hoxe. Preme e escoita.
22/05/2020 [00:10:00] [6.89 MB]
Boletín informativo ambiental 22/05/20
Hoxe celébrase o Día mundial da Biodiversidade no que a ONU reafirma à idea de que a solución á pandemia está na natureza. ADEGA e outras entidades ecoloxistas reforzan a tese e animan ás administracións públicas a mudar a súa actitude cara a biodiversidade. Por outra banda, denuncian o desleixo da xunta pola conservación do patrimonio natural en contraste co paternalismo demostrado para coa caza e a pesca.
15/05/2020 [00:10:00] [6.90 MB]
Boletín informativo ambiental 15/05/20
A contaminación das cidades galegas descendeu a máis da metade durante o confinamento, agás en Ferrol, os mercados de alimentos na rúa comezan a súa actividade e o Defensor del Pueblo menciona á Xunta e á mina de Touro no seu informe anual. Estan son algunhas das novas ambientais da última semana que repasamos neste espazo de Radio Cerna! Escoita!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal