Buscador
11/04/2013 [00:10:00] [5.73 MB]
A cultura dos pazos en Galiza
“A cultura dos pazos en Galicia” é como se titula o proxecto de investigación que está a levar a cabo o Consello Superior de investigacióins científicas e que analiza en termos xerais a orixe, traxectoria, influencia, estirpes de cada un deles. Recentemente, o CSIC publicou os primeiros resultados desta investigación a través do libro “O pazo de Tovar: espazos, perspectivas e tempos”, e no que colaboraron historiadores da USC e do propio CSIC. O editor deste libro, Carlos Andrés González Paz, adiántanos algunhas pecualiaridades da cultura dos pazos galegos.
10/04/2013 [00:10:00] [5.74 MB]
As primeiras pinturas rupestres de Galiza
A Cova de Eirós de Triacastela está a ser unha revelación da evolución humana e natural da historia de Galiza. Nesta cavidade habitaron os osos das cavernas, os homo sapiens e o home do Neandertal e foi lugar de representacións simbólicas. Na Cova de Eirós aparecen as primeiras pinturas e gravados de Galiza.
09/04/2013 [00:10:00] [5.74 MB]
A morte anunciada das gaiolas de salmón en Muros
Dous anos despois da instalación das gaiolas de salmón atlántico na ría de Muros e Noia, a infraestrutura atópase abandonada. Sen embargo, aínda non hai un pronunciamento oficial sobre o remate do proxecto da norueguesa North West Food na ría de Muros. Armadores e ecoloxistas piden a Xunta que se manifeste e que analice ata que punto estas instalacións poideron afectar á fauna e flora mariña.
08/04/2013 [00:10:00] [5.74 MB]
A historia descoñecida do encoro de Belesar
O encoro de Belesar cumpre 50 anos do río Miño, pero pouco se coñece da súa historia. O escritor e xornalista Alfonso Eiré, consciente desta eiva de contido na nosa historia documentada, realizou a súa propia pesquisa. Neste programa desvelará algúns dos segredos mellor gardados do encoro de Belesar.
05/04/2013 [00:10:00] [5.74 MB]
Boletín informativo ambiental 05/04/13
Queres saber que aconteceu esta semana co medio ambiente galego? Escoita este espazo promovido por ADEGA e entérate!
04/04/2013 [00:10:00] [5.74 MB]
"Castiñeiro e Nogueira", pola posta en valor da montaña de Lugo
A asociación Castiñeiro e Nogueira, finalista nos premios da UE en sensibilización no Patrimonio cultural, naceu hai 5 anos co propósito de poñer en valor a montaña de Lugo. Son veciños e veciñas de Becerreá que queren dar a coñecer ao mundo os segredos mellor gardados dos Ancares. Campos de voluntariado, rutas de senderismo, labores de rehabilitación son algunhas das actividades que desenvolven.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal