Buscador
21/04/2014 [00:10:00] [5.74 MB]
A Anduriña, Ave do Ano 2014
A Sociedade Española de Ornitoloxía dedica cada ano a unha ave que se atope nunha situación peculiar de indefensión ou cuxas poboacións se viran afectadas drasticamente nos últimos tempos. En 2014, a elixida foi a anduriña. SEO/Birdlife explícanos os motivos polos que se quere chamar a atención sobre a situación na que está a vivir a anduriña.
16/04/2014 [00:10:00] [5.74 MB]
Os impactos da A-76 segundo ADEGA
O colectivo ADEGA alegou en 2008 contra a A-76, a autoestrada que Fomento pretende construír a través da Ribeira Sacra, desde Ourense a Pontevedra. Alén dos impactos socioeconómicos da pretendida infraestrutura, tamén son considerables os ambientais e paisaxísticos. Destes falaranos neste espazo Martinho Fiz, membro de ADEGA.
14/04/2014 [00:10:00] [5.74 MB]
Unha autoestrada ameaza a Ribeira Sacra
Vén de ser aprobada polo Ministerio de Fomento a construción da autoestrada A-76 Ourense-Ponferrada. O proxecto colleu de sorpresa a moitos dos veciños e veciñas da Ribeira Sacra que xa se organizaron en Plataforma para frear a execución da infraestrutura. Coñecemos con eles cales van ser os impactos e a situación na que quedaría a candidatura da Ribeira Sacra a Patrimonio da Humanidade.
11/04/2014 [00:10:00] [5.74 MB]
Boletín informativo ambiental 11/04/14
Neste espazo, repasamos a actualidade ambiental galega da última semana.
09/04/2014 [00:10:00] [5.74 MB]
O PP municipalista, tamén a prol da compostaxe
Neste espazo daremos conta daqueles alcaldes do PP que tamén andan a buscar unha alternativa a Sogama no eido local. Os rexedores municipais das comarcas do Deza e do Salnés, a maioría do Partido popular, visitaron as instalacións da planta de compostaxe de Lousame para coñecer o seu funcionamento e as súas vantaxes. Tamén andan a explorar experiencias como a compostaxe doméstica, co obxectivo de reducir a xeración de lixo en orixe e tratar a materia orgánica na casa. O alcalde de Lalín, Xosé Crespo, a quen escoitaremos, é un dos rexedores populares que máis aposta nestes momentos por un cambio de modelo.
07/04/2014 [00:10:00] [5.75 MB]
Máis de 90 alcaldes galegos queren un novo modelo de xestión dos residuos
Neste espazo escoitamos a algúns dos 90 alcaldes galegos que se negan a pagar o taxazo de Sogama e avogan por un novo modelo de xestión de residuos en Galiza. Perante a negativa da Xunta de compartir a débeda contraída polo modelo da incineración, demandan alternativas máis eficientes ambiental e economicamente.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal