Buscador
14/03/2016 [00:10:00] [5.73 MB]
O proxecto Zas-Santa Comba: a nova ameaza da megaminaría
"Isabela II" é como se chama o proxecto de exploración mineira que o Grupo M-FM2001 solicitou na Xunta de Galiza para buscar ouro e outros minerais estratéxicos na comarca da Costa da Morte. Afectará aos concellos de Zas, Vimianzo, Coristanco e Santa Comba. A rede Contraminacción e os vexiños da comarca presentaron centos de alegacións contra esta primeira fase de procura dos minerais. Pero o que máis temen é o que virá detrás deste permiso de exploración. De autorizarse unha mina de ouro na zona, veríanse afectandos varios centos de explotacións gandeiras.
11/03/2016 [00:10:00] [5.74 MB]
Boletín informativo ambiental 11/03/16
Acompáñanos no repaso da actualidade ambiental da semana en Radio Cerna!
09/03/2016 [00:10:00] [5.74 MB]
Mulleres que defenden os pobos e a terra. A homenaxe a Bertha Cáceres
No Día Mundial da Muller, varios colectivos ecoloxistas, como ADEGA e Amigos de la Tierra, resaltaron a figura de Bertha Cáceres, activista hondureña asasinada recentemente por defender a súa etnica indíxena, os lencas, e as terras das que viven dos intereses das grandes multinacionais. Esta é unha homenaxe a Bertha Cáceres e a todas aquelas mulleres que, pese as dificultades, loitas pola Natureza e polos dereitos dos máis débiles.
07/03/2016 [00:10:00] [5.74 MB]
Os discursos do Prestige: Nunca Máis fronte a prensa tradicional
O Prestige foi tamén unha loita de discursos, axendas e mensaxes. A xornalista Teresa Barberena analiza a través da súa tese doutoral as distancias existentes entre o discurso sobre a catástrofe dos medios de comunicación tradicionais e, por outro lado, as mensaxes do movemento social e colectivo Nunca Máis, constituído en referente de protesta. A investigadora explica para Radio Cerna as conclusións do seu estudo. Cal foi o discurso vencedor?
04/03/2016 [00:10:00] [5.73 MB]
Boletín informativo ambiental 04/03/16
Radio Cerna ofréceche a actualidade ambiental galega resumida en 10 minutos. Escóitaa!
02/03/2016 [00:10:00] [5.74 MB]
O Norte de Italia, referente europeo na compostaxe
O Norte de Italia é unha das áreas da UE que na última década máis impulso colleu para a reconversión do seu antigo sistema de xestión de residuos cara a compostaxe. Actualmente acolle mais de 200 plantas de compostaxe. Quixemos coñecer como se produciu esta evolución da man de Riccardo Morganti, especialista na recollida selectiva da materia orgánica e traballador da consultora ambiental italiana Ladurner, quen tamén impartiu unha palestra no curso de mestres composteiros da Deputación de Pontevedra.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal