16-10-2023

ADEGA pon en marcha un convenio co concello da Coruña para o coidado da biodiversidade

O próximo xoves, 26 de outubro, comezan as saídas no galeón Punta Pragueira para as rutas de observación de biodiversidade.  A empresa Mar Abaixo, en coordinación con ADEGA, realizará 7 saídas ao redor da ría da Coruña para a identificación de biodiversidade nos meses de outubro a novembro.

En cada saída contaremos cun guía especializado na identificación de flora e fauna litoral, que será observada polas persoas voluntarias. Así mesmo, tamén se atenderá á divulgación doutros aspectos de carácter ambiental que teñen a ver coa interacción mar-terra, como pode ser a problemática dos residuos ou especies exóticas invasoras. A actividade estará destinada a todo tipo de públicos e en cada viaxe poderán participar 6-8 persoas. 

Este ano tamén contaremos con tres actividades máis, unha limpeza de praias, xa realizada o pasado 6 outubro, unha limpeza de ríos e unha eliminación de flora exótica invasora. Estas actividades tamén están destinadas a todo tipo de persoas interesadas neste tipo de xornadas.

Apúntate ás actividades ofertadas este ano!

Dende ADEGA publicaremos nas nosas redes socias e web toda a información sobre as actividades que se van realizar durante estes meses de outubro e novembro.

O próximo xoves e venres, 26 e 27 de outubro respectivamente, teremos as primeiras saídas no galeón Punta Pragueira. Estas actividades teñen prazas limitadas, polo que é imprescindible inscribirse a través do seguinte formulario: inscripción.

Únete a descubrir a biodiversidade que nos ofrece o concello da Coruña!