Do 28-03-2025 ao 28-06-2025

Campaña de doazóns Xustiza para o Ulla

"Xustiza para o Ulla" é a campaña de recadación solidaria impulsada por ADEGA para a defensa xurídica do Ulla fronte ás dúas ameazas ambientais máis graves ás que se enfronta: a macrocelulosa de Altri e a mina de Touro-O Pino. A través desta iniciativa, procuramos reunir os fondos necesarios para enfrontar as accións xurídicas precisas co obxectivo de frear ambos proxectos, extremadamente contaminantes e depredadores do territorio. 

Temos xa un primeiro reto importante no que precisamos a túa axuda: recadar antes do 28 de xuño un total de 39.100 euros, cos que presentaremos recursos xurídicos para acadar dous fins: que se anule a Autorización Ambiental Integrada de Altri e que se arquive o expediente da concesión de augas de Altri.

A loita contra Altri e contra a mina de Touro-O Pino gañarémola nos tribunais. Contigo. Fai XA a túa doazón, fai xustiza!

Como podes axudarnos a difundir "Xustiza para o Ulla"?

Precisamos que esta campaña chegue lonxe para que máis xente poida contribuír a ela. 

• Enchamos as redes sociais do cancelo #XustizaparaoUlla. Comparte a imaxe da campaña e acompáñaa da ligazón https://adega.helpbysc.com/xustizaulla. Lembra etiquetarnos! 
• Imprime este cartaz e lévao a aqueles espazos (bares, tendas, centros sociais...) onde poida espallarse a mensaxe. 

Espallemos "Xustiza para o Ulla"!!!

Ligazóns

• DOA. Xustiza para o Ulla!
• Nota de prensa sobre o lanzamento da campaña

Descargas

• Cartaz_XustizaparaoUlla