O proxecto GAMA de Altri: unha boa gama de agresións e impactos ambientais

Fins Eirexas

CERNA Nº 91 - Transición ecosocial xusta

Páx. 12-15

Neste artigo recóllense os múltiples impactos ambientais do proxecto de macrocelulosa que Altri (Greenfiber) proxecta en Palas de Rei; tanto sobre a bacía hidrográfica e na calidade das augas do río Ulla, como na calidade do ar e sobre a Rede Natura 2000 e as especies ameazadas.

Transición ecosocial xusta versus falsas solucións

Yayo Herrero

CERNA Nº 91 - Transición ecosocial xusta

Páx. 5-8

Atravesamos unha profunda crise ecosocial. As diferentes dimensións desta crise están interconectadas entre si e apuntan a un conflito estrutural entre o capital e a vida. É urxente acometer importantes transformacións que, desde a perspectiva ecofeminista, deben ter como prioridade a garantía de vidas dignas para todas as persoas nun contexto de inevitable contracción material marcado pola incerteza. É crucial poder distinguir entre as propostas e prácticas que poñen a vida no centro e as que se converten en falsas solucións e máis ben agravan os problemas.

Galiza clama contra Altri

Redacción Cerna

CERNA Nº 91 - Transición ecosocial xusta

Páx. 16-17

O clamor social contra a macrocelulosa que Greenfiber (Altri e Greenalia) pretende instalar en Palas de Rei, nocorazón de Galiza, é incuestionable. Unha manifestación histórica convocada pola Plataforma Ulloa Viva percorreuas rúas de Palas o pasado domingo, 26 de maio, en defensa do territorio fronte ás industrias depredadorase insustentables. Un mes despois, o 30 de xuño, Galiza volveu mobilizarse dende toda a súa xeografía ante achamada da Plataforma Ulloa Viva e a Plataforma en Defensa da Ría de Arousa para arrodear a sede da Xuntade Galiza en Santiago de Compostela baixo un berro colectivo: "Altri non!". Estas dúas xornadas son xa fitos que perdurarán na memoria da loita ecoloxista galega. Velaquí unha selección de imaxes de ambas as mobilizaciónsconvocadas ata a data en que se escribe isto. Desde a Ulloa ata a ría, auga e aire son vida!

Plataforma Ulloa Viva: sine die nas portelas da esperanza

Xosé de Cea

CERNA Nº 91 - Transición ecosocial xusta

Páx. 9-11

Antes de mergullármonos nas orixes da oposición cidadá ao proxecto de construción dunha macrocelulosa impulsadopola pasteira lusa Altri en Palas de Rei, pido licenza para nomear a bisbarra afectada como Terra do Medio,topónimo acuñado polo escritor aqualatense e melidao Xosé Vázquez Pintor para referirse, xustamente, a esacerna xeográfica da Galiza que constitúen “A Ulloa, Terra de Melide, Tabeirós, O Deza... Eran ferrados de labradíoe monte manso; arcas de centeo, cabaceiros de millo, parroquias de subministración, casas paridoras con nome eapelidos que se daban á fuxida cando a fame era moita e a noite longa, sine die nas portelas da esperanza. Somosda Terra do Medio”.

Sandra, Modesto e a resistencia hondureña ante as agresións ambientais

Uxía Iglesias / Redacción Cerna

CERNA Nº 90 - Consumo crítico

Páx. 19-20

En Honduras, protexer a terra do espolio do capital estranxeiro pode custar a liberdade e mesmo a vida. Sandra Reyes e Modesto Ochoa viven ao sur do país, son defensoras dos dereitos humanos e do territorio e líderes na acción comunitaria. Neste ano 2023 visitaron Galiza da man da Coordinadora Galega de ONG’s, no marco do proxecto Futuro en Común, para contar as súas propias experiencias de loita e coñecer de primeira man os conflitos ambientais que aquí se libran. A Asociación para a Defensa Ecolóxica de Galiza (ADEGA) tivo o pracer de recibilos e conversar con eles nunha das súas últimas paradas antes de regresar a Honduras.

O lugar da poesía

Olga Novo e Ramsés Pérez

CERNA Nº 90 - Consumo crítico

Páx. 50