Artigos de Cultura e patrimonio. Revista CERNA, medio ambiente e ecoloxismo da man de ADEGA
A desprotección da camiñaría histórica no devalar Xacobeo
Ricardo Polín
CERNA Nº 72 - Recheos nas praias
Páx. 32-35
Entrados no século XXI logo dos fastos xacobeos, cómpre un alto no camiño para facer balanzo. Vén a conto invocar o título 1 da lei do 96 de protección dos camiños a Compostela e a súa definición como “Ben de Interese Cultural”, catro palabras que valen o seu peso en ouro, tanto máis se somos quen de as facer extensíbeis ao conxunto da camiñaría histórica do país. Andado o tempo, semella pouco axeitado ter incorporado a peregrina cualificación de “ruta principal” para o que se deu en chamar coa imprecisa etiquetaxe de “Camiño Francés”, deixando en evidencia unha norma pensada ad hoc para dito itinerario conforme cos privilexios exclusivos desta vía mesetaria potenciada de xeito omnímodo polo poder político no seu afán expansionista.
Monterrei, a loita polo patrimonio público
Neves Amado e Eladio A. Fernández
CERNA Nº 72 - Recheos nas praias
Páx. 36-37
Este artigo trata do espolio do patrimonio común e da resposta da cidadanía en defensa dun uso público e cultural do Castelo de Monterrei. Esta acrópole, situada ao sueste da provincia de Ourense, na raia seca, é a principal vila fortificada de Galicia, que no ano 1931 foi declarada Monumento Nacional e, na actualidade, ten a categoría de BIC (Ben de Interese Cultural). O pasado mes de febreiro, a Xunta anunciaba a súa intención de converter o Castelo nun hotel.
Homenaxe na Eira da Xoana aos cristiáns comprometidos con Galiza
Victorino Pérez Prieto
CERNA Nº 69 - Charcas con Vida: os pequenos humidais na túa man
Páx. 44-46
“En recoñecemento a todas as persoas e comunidades cristiás: leigas e leigos, cregos, monxas,frades e monxes, que ao longo da nosa historia, honraron á Terra nai, unindo cristianismo e galeguidade.” Este foi o texto da placa inserida nun monólito que foi chantado na Eira de Xoana (Ramil-Agolada), en recoñecemento ás persoas que desde a fe cristiá e as convicións galeguistas contribuíron a construción dunha Galiza mellor e para revivir a súa memoria. Un encontro organizado por ADEGA, a Irmandade Moncho Valcarce e a Asociación Cultural O Galo. A resposta dos numerosos colectivos implicados e a salientábel participación da xente nese encontro o pasado 22 de setembro de 2012 manifesta a realidade e xusteza desta homenaxe.
A tradición e a vida no Courel
Adela Figueroa Panisse
Páx. 24
A autora preséntanos un relato sobre a celebración da festa tradicional do serrado manual no Courel na que moita xente puido participar e aprender a dureza da sabedoría do oficio. A Asociación Fonte do Milagre organizou dita romaría coa axuda de SOS Courel e coa participación de ADEGA.
A ecoloxía das linguas: o caso do galego
Fran Rei García
Páx. 62 - 63
A lingua é unha das ferramentas máis flexibles e versátiles que nos podemos atopar no noso día a día. A pesares dos anos de vida que poida ter unha lingua, esta é capaz de adaptarse as novas realidades que a rodean, evolucionar e servir á perfección para todas as interaccións que a súa sociedade requira. E isto non é característica dunha soa lingua, senón que de todas, posto que as xerarquizacións e diglosias son provocadas polas distintas relacións entre as comunidades lingüísticas partindo de diversos motivos que pouco teñen que ver coa esta. É neste contexto no que comeza a ecoloxía das linguas ou ecolingüística, que pretende evitar a desaparición do extenso patrimonio lingüístico do que formamos parte.
Ecoloxismo e cultura. Cálida despedida de ART natura
Belén Rodríguez
Páx. 14
Preto dun cento de persoas participou na derradeira inauguración da exposición ART Natura, impulsada por ADEGA para sensibilizar crear conciencia sobre a defensa e conservación do medio ambiente entre toda a cidadanía galega a través das diversas formas da cultura.. Este acto de inauguración serviu tamén para dicir adeus ao percorrido deste proxecto que comezou na primavera de 2007 e que visitou varios concellos galegos entre os que están Santiago, O Carballiño, Lugo, Sigüeiro, A Coruña, Fene, Melide e Marín. ArtNatura rematou onde comezou, en Compostela. Foi o pasado 2 de setembro na Sala de Exposicións da Asociación de Empresarios do Polígono do Tambre.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal