Artigos de Ecoloxismo. Revista CERNA, medio ambiente e ecoloxismo da man de ADEGA
Asemblea Xeral de ADEGA
Xosé Veiras
CERNA Nº 41 - Especial: Urbanismo
Páx. 14
Lugo foi este ano o escenario elixido por ADEGA para celebrar durante os días 27 e 28 de Marzo a súa asemblea xeral anual. Na cidade das murallas aprobamos o novo programa de traballo e fixemos un balanzo do labor desenvolvido ao longo do último ano, no que se traballou arreo en relación coa catástrofe do Prestige, sen por iso descoidar outras áreas. Os asistentes á Asemblea puideron constatar importantes avanzos no fortalecemento organizativo da asociación, froito do compromiso de todos os activistas e socios e socias de ADEGA, que fan posíbel que a asociación sexa un instrumento cada vez máis forte e útil en defensa do ambiente e á favor da sustentabilidade.
Daniel López Vispo
CERNA
CERNA Nº 41 - Especial: Urbanismo
Páx. 17
Daniel leva máis dunha década traballando sen descanso no ecoloxismo galego. O seu contacto con ADEGA ven de comezos dos pasados anos 90, ao implicarse na resposta veciñal e ecoloxista a diversas agresións ambientais, salientando as loitas contra o encoro de Navia, polo saneamento no Miño e a calidade da auga potábel en Lugo, ou contra o paso da Autovía do Noroeste polo Val do Neira. Xunto con outras persoas, impulsou á organización e o medre de ADEGA en Lugo, foi secretario xeral de ADEGA (1999 -2002) e actualmente é Vicepresidente.
Tóxicos no fogar
Virginia Rodríguez, Ramsés Pérez
Páx. 43-44
Os produtos tóxicos e perigosos están cada vez máis presentes nas nosas vidas. O seu uso pode ter consecuencias graves para a nosa saúde e a contaminación do medio ambiente. É urxente saber recoñecelos, e reducir o seu uso ou como substituílos por produtos de gama ecolóxica ou de fabricación caseira. Ou autores danche aquí algunhas pistas.
Constitución europea? Así non!
ADEGA
Páx. 11
A cidadanía do Estado Español está convocada a participar nun referéndum sobre a proposta de Constitución europea. A Asociación para a Defensa Ecolóxica de Galiza (ADEGA), aínda achando necesaria unha Constitución para a UE, non comparte nen o método de elaboración nen o contido final da proposta redactada pola Convención. A continuación recollemos o posicionamento de ADEGA ao respecto.
Os verdes saen do goberno alemán
María García
CERNA Nº 46 - Especial: A pegada ecolóxica de Galiza
Páx. 38-39
A saínte coalición entre socialistas do SPD e Verdes (BÜndnis 90- Die Grünen) supuxo no seu momento un revulsivo para o movemento asociativo de esquerdas alemán por significar o ansiado final do estancamento sufrido durante o longo do mandato da CDU de Khol. A pesares da ilusión e as expectativas espertadas nos sectores alternativos e de esquerdas, o goberno encabezado polo canciller Schröder non afrontab unha tarefa fácil. Mais: Como valora o ecoloxismo alemán a política medioambiental do pasado goberno?
Radio CERNA
Belén Rodríguez
CERNA Nº 46 - Especial: A pegada ecolóxica de Galiza
Páx. 18-19
Analízase o ecoloxismo nos medios mediante o uso de Radio Cerna, o espazo radiofónico promovido por ADEGA. Nesta colaboran 18 radios na difusión do proxecto ecoloxista, así coma a Deputación da Coruña que se sumou nos últimos tempos. "Radio Cerna" funciona coma unha produtora radiofónica que se sostén na elaboración de produtos -programas- de contidos fundamentalmente medioambientais e ecoloxistas, pero tamén de til cultural e didáctica. A día de hoxe emítese nas emisoras municipais e locais de toda Galiza, posuíndo gran aceptación entre as oíntes.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal