Artigos de Ecoloxismo. Revista CERNA, medio ambiente e ecoloxismo da man de ADEGA
Alfonso del Val dixit
Txema Alonso e Pablo Kaplún
CERNA Nº 83 - Electrointensivas con data de caducidade
Páx. 27-28
Un grupo de amigos e amigas de Alfonso del Val, sabedores de que as súas achegas ao desenvolvemento do ecoloxismo no Estado español foron máis que importantes e conscientes de que a súa produción en forma de libros, artigos e estudos non está nin compilada nin difundida convenientemente, decidimos construír un portal web que sirva como repositorio do seu coñecemento e actividade. Estamos convencidos de que moitos e moitas atoparán nel documentación valiosísima para avanzar no coñecemento do ecoloxismo político do que, non podemos cualificalo doutra maneira, Del Val é un experto.
ACTUALIDADE: XII Asemblea de AGENG
Cerna/Redacción
Páx. 6
Os pasados 29 e 30 de abril tivo lugar en Santiago de Compostela a XII Asemblea anual da AGENG (Asemblea de Grupos Ecoloxistas e Naturalistas de Galiza), que contou coa participación activa de 14 grupos vidos de todo o país e preto dun cento de participantes. O conferenciante invitado, Miguel Anxo Furado, falou sobre "A Costa e o Mar", un dos temas abordados pola Asemblea, que ademáis tratou outros muitos puntos, tanto relativos á problemática ecolóxica como a organización interna.
A estancia na Galiza de Alexandre Von Humboldt (1799), un precursor da ecoloxía
Xosé A. Fraga Vázquez
Páx. 38-39
O importante naturalista prusiano Humboldt (Berlín, Alemania, 1769-1859), autor de gran influencia entre os estudosos e afeccionados da Natureza do s.XIX, emprendeu en 1799, desde a A Coruña, unha salientable expedición a América. No artigo lémbrase a estancia en Galiza deste sobranceiro personaxe, da que en 1999 se cumpriran dous séculos.
ACTIVIDADES. XIII Asamblea da AGENG e Marcha pola defensa do monte Pedroso
Manuel Antonio Fernández Domínguez
Páx. 29
Fálase de dous eventos distintos. Por unha parte, a XIII Asamblea da AGENG, reunión anual dos grupos ecoloxistas e naturalistas galegos, que se celebrou no Grove e foi organizada polo Colectivo Ecoloxista do Salnés. Abordáronse desde os aspectos organizativos á realización de campañas en temas como a incineración e a reciclaxe do lixo, a conservación dos espazos naturais ou as actuacións en materia forestal. Tamén tivo lugar unha marcha cidadá convocada pola asociación local do BNG compostelán. A actividade enmarcouse dentro das iniciativas emprendidas para despertar o interese cidadán sobre os proxectos municipais de ordenación e uso do monte Pedroso e proceder á difusión e análise do Plano especial".
PORTUGAL: As amigas do sul
Jesús Pereiras
Páx. 12-13
Presentación de publicacións de temática ecoloxista portuguesa.
En defensa da Terra
Manuel Soto
Páx. 6-7
En xuño do ano pasado, baixo o lema En defensa da Terra, tivo lugar unha manifestación que xuntou en Santiago milleiros de persoas preocupadas polo deterioro do ambiente en todos os seus ámbitos.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal