Artigos de Contaminación. Revista CERNA, medio ambiente e ecoloxismo da man de ADEGA
ACTUALIDADE: De Guixar a Cerceda. Do lixo ás dioxinas
Manuel Soto Castiñeira
Páx. 5-6
Os proxectos de SOGAMA para a comarca de Vigo foron variando mes a mes, esquecéndose, trala oposición xurdida en Mos e noutras localidades, das chamadas plantas provinciais de "tratamento e elaboración de combustible", para instalar no seu lugar unhas empacadoras provisionais. Analízase a preocupante situacións das instalacións preto das casas e as accións levadas a cabo polos veciños para frealas.
A "ecotaxa" da Xunta: Imposto ecolóxico ou coartada fiscal?
Cerna/Redacción
Páx. 34-35
O Parlamento galego aprobou recentemente a creación da denominada "ecotaxa", un imposto que vai gravar as emisións masivas de dióxido de xofre e nitróxeno que realizan na atmósfera algunhas grandes empresas ubicadas en Galicia. A acusación de que o obxectivo da Xunta ao establecer este imposto non era a de protexer o medio ambiente foi bastante xeral durante o debate previo.Inclúese ademáis un breve comentario de Xabier Labandeira, especialista en economía ambiental.
ACTUALIDADE: Plan Estatal de Recuperación de solos contaminados
Cerna /Redacción
Páx. 2-3
O 17 de febreiro de 1995 o Consello de Ministros aprobou o texto do "Plan Nacional de Recuperación de Solos Contaminados", de aplicación no periodo 1995-2000 e de incidencia ata o 2005. O plan presenta un inventario de solos contaminados así como de actividades potencialmente contaminantes, define as actuacións a levar a cabo sobre algúns dos espazos contaminados e a súa distribución entre as diferentes CC.AA.
ACTUALIDADE: O Informe Niell, unha nova mentira de
Antón Masa
Páx. 6
Tivo este ano o "entroido" pontevedrés un comezo diferente: a presentación á prensa por parte de "Celulosas" dun suposto informe sobre "Medio ambiente, impacto y cambios históricos en la Ría de Pontevedra", realizado por Xavier Niell; forma parte esta presentación dunha nova campaña de "lavado de imaxe" que o contaminante complexo industrial de Lourizán ven desenvolvendo nos últimos tempos.
ACTUALIDADE: O Parlamento acepta a trámite a iniciativa lexislativa popular contra a incineración e pola reciclaxe
Cerna/Redacción
Páx. 7-8
Con máis de 50.000 sinaturas recollidas, e 41.398 declaradas válidas pola Xunta Electoral, esta ILP ecoloxista será tratada próximamente no Parlamento Galego como a iniciativa con maior apoio popular. Diversas actividades de reivindicación da reciclaxe e de denuncia dos graves problemas ecolóxicos, sanitarios e económicos que a incineración conleva precederán á súa lectura. Entre as actividades inclúese unha manifestación en Compostela para ó 9 de xuño.
ACTIVIDADES: Novo éxito da "Marcha contra Celulosas"
Antón Masa
Páx. 30
O 16 de xuño tivo lugar unha nova "MARCHA CONTRA CELULOSAS" na ría de Pontevedra; como en anos anteriores a Marcha saiu das Alamedas de Marín e Pontevedra e rematou diante do complexo contaminante de Lourizán, onde se concentraron máis de 3.000 persoas participantes baixo o lema "POLA NOSA SAÚDE E POLO TRABALLO DO MAR".
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal