Artigos de Conservación e biodiversidade. Revista CERNA, medio ambiente e ecoloxismo da man de ADEGA
Árbores e formacións senlleiras do país
J. Gaspar Bernárdez e Antonio Rigueiro
CERNA Nº 66 - Espazos protexidos, baixo mínimos
Páx. 34-35
Aínda que hai que remontarse a 1984 para o primeiro “Inventario de árbores sobresalientes de Galicia”, encargado pola Dirección Xeral do Forestal e do Medio Ambiente Natural da Xunta a unha consultoría madrileña, non sería até 2007 cando se realiza o “Catálogo Galego de Árbores e Formación Senlleiras”, no que se recollen 106 árbores e 21 formación senlleiras e publicado pola Xunta de Galicia nun Anexo do Decreto 67/ 2007publicado no DOG O 22 de marzo de 2007.
Lumes: o peor ano dos espazos protexidos
Fins Eirexas
CERNA Nº 66 - Espazos protexidos, baixo mínimos
Páx. 10-11
Un incencio fortestal, independentemente da súa orixe, degrada valiosos solos que tardan milleiros de anos en formarse, perdéndose grande parte da súa fertilidade. Increméntase tamén o risco de erosión, favorecendo a escorrentía e diminuíndo a infiltración da auga, chave para o subministro de moitas poboacións. Nos primeiros 15 días do pasado mes de outubro, os lumes de Ourense arrasaron 10909 Ha só en 4 espazos protexidos da Rede Natura.
Humidal da Frouxeira: Vítima da neglixencia da Administración
Xosé Antón Muñiz
CERNA Nº 67 - O lume: dono dun monte desleixado
Páx. 19-21
Galiza é o territorio ibérico que maior número de humidais posúe. Neles consérvase unha elevada diversidade de medios ecolóxicos e especies de flora e fauna silvestres, moitos dos cales son exclusivos destes ecosistemas. De todos é sabido, aínda que a Administración o esquece, que os humidais exercen ademais múltiples funcións no noso castigado medio en relación coa dispoñibilidade e autodepuración da auga, a mitigación dos efectos adversos das riadas ou o secuestro a longo prazo de grandes cantidades de CO2 atmosférico. O humidal da Frouxeira en Valdoviño sufriu, na súa recente historia, lamentábeis actuacións a pesar de posuír 6 figuras legais de protección como espazo natural e formar parte da Rede Internacional de Humidais Ramsar, da Rede Natura 2000 e da Rede de Espazos Naturais Protexidos de Galiza.
Monte Pindo, parque natural!
Mario Maceiras
CERNA Nº 67 - O lume: dono dun monte desleixado
Páx. 22-23
É imposíbel arribar á Costa da Morte e non reparar, aló ao lonxe, naquel auténtico monumento da natureza que parece emerxer das profundidades do Océano Atlántico ata acariñar a barriga do mesmísimo ceo. A presenza avasaladora do Monte Pindo, unhas veces admirada e outras temida, obrou milagres e lendas nas vidas das humildes xentes do sur da Costa da Morte. O Monte Pindo é un inmenso macizo granítico situado no norte do concello de Carnota, que emerxe desde a liña da costa ata os 627 metros de altitude na súa Laxa da Moa, en total dúas mil hectáreas nas que se combinan chairas, unha ducia de picos escarpados e a historia viva da Galiza costeira.
Ampliación Rede Natura 2000: Unha proposta do PP trucada, incompleta e incoherente
Fins Eirexas
CERNA Nº 67 - O lume: dono dun monte desleixado
Páx. 24-25
A proposta de ampliación da Rede Natura 2000 presentada pola Xunta en 2011 e actualmente en tramitación pretende elevar a porcentaxe de territorio baixo esta figura de protección desde o actual 12,1% ao 15,2%. Como din a web da Xunta: “No noso país están presentes 56 dos 121 tipos de hábitats naturais presentes no Estado, entre eles 10 dos 56 considerados prioritarios, que acollen unha das máis ricas representacións de flora e fauna da Península Ibérica” polo que ADEGA defende unha ampliación maior desta rede no contexto galego.
O modelo cinexético galego: Unha xestión esgotada e caduca
Martiño Nercellas
CERNA Nº 67 - O lume: dono dun monte desleixado
Páx. 29-31
A caza menor no seu conxunto avanza cara mínimos históricos. E isto en termos de favorecer a conservación da nosa biodiversidade tradúcese tamén como unha mala nova. A caza menor escora cara uns resultados cada vez máis negativos, e a escaseza e empobrecemento das poboacións, en particular do coello, da lebre ou da perdiz salvaxe, resultan o mellor indicador desta situación. É por iso que debería existir unha nova lei de caza preocupada por o futuro desta actividade e que a súa finalidade sexa protexer e conservar.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal