Artigos de Residuos. Revista CERNA, medio ambiente e ecoloxismo da man de ADEGA
A xestión do lixo en Galiza
Manuel Soto Castiñeira
CERNA Nº 62 - O lixo en Galiza: Máis incineración?
Páx. 10 - 12
A Xunta vén de presentar o borrador do Plan de Xestión de Residuos Urbanos de Galicia 2010-2020 (PXRUG), no que se presentan os resultados da actual xestión e propoñen obxectivos para un horizonte de dez anos. Entre estes, destacarían unha redución do 10% do lixo e unha reciclaxe do 35%, e algunha nova planta de compostaxe. Mais os obxectivos de prevención, recollida selectiva e mellorada xestión en xeral non contan cos medios e financiamento necesarios: destinase a prevención o 2,2% do investimento e a plantas de tratamento o 81,9% do investimento, a maior parte para unha nova incineradora. Coa nova planta do sur, a capacidade de“valorización enerxética” pasaría das actuais 366.000 t de combustíbel derivado de residuos a unhas 656.000 t/ano, o que atinxiríao 85% dos residuos combustíbeis totais.
Experiencias locais coa compostaxe caseira
Entrevistas Belén Rodríguez
CERNA Nº 62 - O lixo en Galiza: Máis incineración?
Páx. 13 - 14
Os concellos teñen uns elevados custes derivados do tratamento dos residuos, isto e un aliciente considerable para fomentar entre os seus cidadáns a elaboración de compost, con isto reducese a xeración de residuos sólidos e ademais crease un abono de calidade que as familias poden usar para os seus pequenos hortos e favorecer a economía familiar. A través destas entrevistas obsérvanse os avances que levan a cabo o concello da Illa de Arousa e Piñor neste ámbito.
Sogama e incineración: Un exemplo para O Irixo
Ramón Varela
CERNA Nº 67 - O lume: dono dun monte desleixado
Páx. 16-17
O Irixo xa foi hai anos punto de mira dunha industria privada, a fábrica de celulosa para aluguer de montes e plantación de eucaliptos polo que foi necesaria a mobilización social de xente da localidade e de fóra para impedir tal atropelo. Agora é un proxecto público, e innecesario, tremendamente custoso e altamente contaminante o que se pretende instalar da man do Goberno galego. Galiza é o Goberno galego teñen que saber que a alternativa aos residuos sólidos é reducir, reciclar, reutilizar e aproveitar os recursos que van no lixo: vidro, papel, plástico,materia orgánica... e sen que existan intereses económicos que tiren forte para instalar unha nova incineradora.
Impacto dos residuos nos mamíferos mariños en Galiza
José Mtnez. Cedeira, Xesús Morales, José A. García, Pablo Covelo e Alfredo López
CERNA Nº 68 - Sentenzas incumpridas nas rías galegas
Páx. 21-22
As actividades de monitorización dos mamíferos mariños levadas a cabo durante os últimos vinte anos en Galiza pola Coordinadora para o Estudo dos Mamíferos Mariños (CEMMA), evidencian o grande impacto negativo que está a provocar a contaminación mariña sobre estas especies, localizándose desde animais mortos por inxestión de plásticos, petróleo e outros residuos, até exemplares que lograron sobrevivir con restos de vellas artes de pesca enganchadas aos seus corpos. A ocupación das zonas costeiras como lugares de asentamento da poboación e as diferentes actividades humanas que se realizan nelas aumentaron a chegada de vertidos e residuos ao mar. Estes poden provocar un grave impacto sobre os ecosistemas e as especies mariñas, chegando algunhas delas a estar ameazadas por esa causa. O mar leva agochando no seu interior durante moitos anos, como se fose unha alfombra xigante, unha enorme cantidade de lixo.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal