Artigos de Flora e fauna de Galiza. Revista CERNA, medio ambiente e ecoloxismo da man de ADEGA
O pícaro raposo
Pepe Salvadores
CERNA Nº 57 - Transporte: O tren de proximidade
Páx. 52
O raposo é o animal astuto por excelencia, diso temos boas mostras na tradición popular por medio de lendas, ditos e refráns. É un animal fermoso, esquivo, pequeno e moi intelixente, que acostuma valerse do seu enxeño para escapar dos seus depredadores ou facerse coas súas presas. Nas casas é coñecido como o ladrón das galiñas, e non é moito o aprecio que se lle profesa, porén sufriu cacerías masivas e o aproveitamento do seu fino pelaxe para o abrigo e o adorno. Aínda con todo isto, é o protagonista dos contos dos vellos e no noso interior, pode que inconscientemente, admiramos a en certo modo a este pícaro animaliño.
A xesta
Gema Pérez e María Xosé Castro
CERNA Nº 57 - Transporte: O tren de proximidade
Páx. 53
Se hai unha cor característica nos montes galegos na primavera, aparte, claro está, do verde das árbores, é o amarelo de toxos e xestas. Co nome de xesta coñécese a un gran número de arbustos da xénero Cutysus, con semellantes características. A xesta é todoterreo, ten múltiples usos e finalidades, e foi e é indispensable na vida do rural. Proba disto son as vasoiras -resistentes, ecolóxicas e reutilizábeis- o seu uso para as camas dos animais, e posterior abono, cestería, no proceso de obtención do liño e en moitas máis actividades. A xesta serve para todo.
A xoaniña
Pepe Salvadores
CERNA Nº 58 - Crónica: O incerto futuro de ENCE en Galiza
Páx. 38
A xoaniña é un dos poucos insectos que goza de cariño na nosa cultura, un dos motivos podería ser que come os pollos ou piollos, permitindo o bo desenvolvemento das plantas cultivadas, inda que tamén poderían ser outras razóns de tipo supersticioso ou pola súa fermosura.
A árnica
Mª Xosé Castro e Gemma Pérez
CERNA Nº 58 - Crónica: O incerto futuro de ENCE en Galiza
Páx. 39
Esta planta, que vive en ambientes húmidos con colos ácidos a máis de 800 metros de altura, ten numerosas propiedades curativas, por iso a súa explotación en moitas zonas de Europa levouna a reducir considerablemente a súa poboación, así en moitos países, non é o noso caso, está prohibida a súa recolección, inda que a demanda das industrias farmacéuticas segue a ser forte.
A Cegoña
Pepe Salvadores
CERNA Nº 59 - Mar: do litoral ás profundidades
Páx. 40
A Cegoña (Ciconia ciconia) é unha ave de todos coñecida sobre todo polo espectacular dos seus niños en sitios altos, como os campanarios das igrexas. Non é unha ave ao uso, en canto a que unha das súas características principais é a incapacidade para cantar, comunicándose mediante sons guturais. A pesar disto segue sendo unha das aves máis elegantes que se coñecen. Pepe Salvadores invítanos a mergullarnos no mundo desta gran ave de gran consideración e respecto, e os problemas que as ameazan de continuo.
O Sabugueiro
Mª Xosé Castro e Gema Pérez
CERNA Nº 59 - Mar: do litoral ás profundidades
Páx. 41
A curiosidade fixo que, hai anos, ao pé dun río, ficara atenta a un arbusto de umbeladas flores brancas. Dubidei, fitei, acheguei a man e esmaguei unha folliña coas xemas dos dedos. O arrecendo forte, que eu achei cuspidiño ao millo torrado, quedaría para sempre e dende aquela vencellado a un nome, “sabugueiro”.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal