Artigos de Auga e ríos. Revista CERNA, medio ambiente e ecoloxismo da man de ADEGA.
As Pontes: un regalo envelenado
Xoán Ramón Vidal Romaní
Páx. 22 - 24
A nova lagoa artificial que se creou a partir da antiga mina de lignitos de As Pontes agocha un segredo, o xacemento foi preservado nun espazo situado baixo unha enorme falla inversa paralela a Costa Cantábrica. Esta falla activa provoca sismos relativamente frecuentes que non supoñen perigo para a poboación, máis o cambio de sedimentos que había no xacemento por auga cambia as consecuencias do sismo, que serían un pequeno tsunami dentro da propia lagoa. A isto hai que sumar a acidificación de tódalas augas da zona das Pontes xa que a lagoa provocará a recuperación dos antigos acuíferos que intercambiarán auga coa propia lagoa.
A pegada hídrica
Juan Cagiao Villar
CERNA Nº 59 - Mar: do litoral ás profundidades
Páx. 20 - 21
Buscar modelos de desenvolvemento sostíbel que nos axuden a convivir coa natureza é básico, mais estes pasos estanse a dar moi paseniñamente. Un dos elementos dos que máis dependemos, tanto seres como natureza, é a auga. Nos últimos anos, en parte debido á crecente escaseza dente líquido, estase a falar da pegada hídrica das sociedades, isto é, a cantidade de auga que se precisa para o mantemento desa sociedade, tanto o seu uso directo como o seu uso para bens de consumo. Saber os litros de auga que se precisas para producir un tomate, unha prenda de vestir ou un kg de tenreira pode ser fundamental para concienciarnos sobre o uso que lle estamos dando a este escaso ben e por tanto, comezar a preguntarnos que é o que falla e que podemos facer nós para poñerlle freo a esta situación.
O Eume, 50 anos de secuestro
Marcos Vázquez
CERNA Nº 61 - Lei do solo: Legalizar a especulación
Páx. 40
O río Eume ten dous encoros que traban o seu curso continuado, é o segundo encoro o máis prexudicial xa que secuestra a auga para abastecer a central térmica e deixou seco 3.5 km de río. A lei marca un mínimo que neste caso non se respectou por iso o colectivo ecoloxista AEMS Ríos Con Vida denunciou ante a fiscalía de Medio Ambiente estes feitos que xa duran 50 anos.
Os impactos da auga embotellada
Ramsés Pérez
CERNA Nº 61 - Lei do solo: Legalizar a especulación
Páx. 42 - 43
A auga embotellada, maioritariamente en plástico, como sucede coas bolsas, está cada vez máis presente nas nosas vidas. Porén, non nos preguntamos do mesmo xeito polos custos ambientais asociados a ambos casos. A auga engarrafada en plástico é un crecente negocio que leva parello importantes impactos ambientais, sociais e mesmo económicos.
A vergoña do encoro verde
Daniel López Vispo
CERNA Nº 63 - Galiza: Territorio agredido
Páx. 10 - 11
Este verán, unha vez máis, a contaminación da auga do río Umia por cianobacterias do xénero Microcystisten obrigado ás autoridades municipais de Caldas de Reis a interromper o subministro de auga potábel desde a captación de Segade. Desde 2006 este feito vense repetindo cada ano, de xeito que parte da poboación do Salnés ten que ser abastecida por medio de camións cisterna de auga procedente dos depósitos da ETAP de Vilagarcía. Este ano, a proliferación da cianobacteria foi espe-cialmente impactante. A súa extraordinaria explosión faise visíbel no espesor da lámina verde intenso de microalgas que cobrea superficie do encoro de Baxe e no cheiro que desprende. A falla de garantías sobre a completa salubridade das augas que discorren abaixo do encoro para o abastecemento da poboación reactiva a denuncia social que reclama, dunha vez por todas,a liberación das augas da presa e, por tanto, o derrubo do encoro, hoxe destinado exclusivamente á produción hidroeléctrica.
Río Tamuxe: experiencias en técnicas de bioenxeñería na bacía Miño – Sil
Confederación Hidrográfica Miño – Sil
CERNA Nº 65 - Os ríos: explorar para conservar
Páx. 22-23
A bioenxeñería utiliza sobre todo sementes, plantas e comunidades vexetais, por si mesmas ou en combinación con materias intertes como pedras, terra, madeira, ferro ou aceiro como materiais constructivos, para acadar obxectivos técnicos, ecolóxicos, estéticos e económicos na restauración dos ecosistemas fluviais. Este tipo de técnicas manéxanse desde varias décadas en países europeos como Suiza, Alemaña, Australia e Italia con interesantes resultados, e tamén comezaron a difundir no Estado Español.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal