Artigos de Educación ambiental. Revista CERNA, medio ambiente e ecoloxismo da man de ADEGA
Educación ambiental en Galiza: Crise, que crise?
Miguel Pardellas e Pablo Ángel Meiras
CERNA Nº 66 - Espazos protexidos, baixo mínimos
Páx. 52-54
Que 200 traballadores da industria pirotecnia galega quedasen no paro temporalmente como consecuencia da normativa estacional de prevención de incendios forestais pareceu, e seguramente o foi, unha traxedia social inaceptábel. Mereceu sen dúbida, a atención dos medios de comunicación e a solidaridade de quen asocia a celebración festiva cos estoupidos de rigor. Hai dramas similares pero de maior escala que, sen embargo, están a pasar desapercividos, resultando totalmente invisíbeis para os medios de comunicación e a sociedade. Facendo unha estimación sobre os datos de emprego referidos a 2007 derivados do Proxecto Fénix, xusto nos prolegómenos da crise actual, a perda de postos de traballo no sector da Educación Ambiental (EA) en Galiza durante os últimos catro anos pode estimarse nun 50%, unhas 500 persoas.
I Feira de produtos naturais e artesáns na Eira da Xoana
Marga Miguens
CERNA Nº 67 - O lume: dono dun monte desleixado
Páx. 14-15
O pasado domingo 18 de Marzo, ADEGA organizou a I Feira de produtos naturais e artesáns na Eira da Xoana (Ramil, Agolada). Ao redor de 500 persoas pasaron unha agradábel xornada de mercado, gozando da contorna e degustando diferentes produtos á vez que aprendían a facer cestos, utensilios de barro ou colonias. Pola tarde realizaronse xogos tradicionais para os máis cativos e unha mesa redonda sobre alimentación para os maiores. Ao final da feira foron sorteadas entre os consumidores tres cestas de produtos ecolóxicos e artesáns cedidos de balde polos produtores.
A compostaxe comunitaria: xestión sustentábel dos residuos en zoas urbanas
María Lafuente
CERNA Nº 67 - O lume: dono dun monte desleixado
Páx. 18
Da horta á mesa, da mesa á esterqueira e da esterqueira á horta. Este é o ciclo lóxico da materia orgánica e tamén da vida. De todos é sabido que a terra precisa de abono, é dicir, de nutrientes que proporcionan fertilidade para que a terra nos agasalle unha manchea de saborosos produtos. En ADEGA temos claro que é imprescindíbel recuperar e compostar todos os residuos orgánicos, por iso puxemos en marcha en 2002 o primeiro programa decompostaxe domestica no concello de Ferrol. Hoxe en día esta práctica está estendida a 43 concellos que puxeron a andar proxectos de compostaxe doméstica coa axuda de ADEGA e instalaron preto de 3.000 composteiros con excelentes resultados en canto a calidade e participación.
A casa das Insuas
Martiño Cabana e Óscar Rivas
CERNA Nº 67 - O lume: dono dun monte desleixado
Páx. 46-47
A Casa das Insuas é un edificio histórico, de grande tamaño e cun elevado potencial para a realización de actividades de educación ambiental. A Casa das Insuas nace coa vocación de crear un t ecido asociativo e acadar a colaboración estreita entre un grupo de entidades naturalistas galegas. Deste modo, aínda que a xestión é levada a cabo pola Asociación Galega de Custodia do Territorio, outras asociacións tamén colaboran nesta tarefa mediante a organización dun elevado número de eventos. Á marxe da asociación, a Casa das Insuas ten unha ampla presenza na rede. Conta cun blog propio (www.casadasinsuas.org) onde se informa do seu programa de actividades e as novidades relacionadas con este Centro de Estudo e Conservación da Natureza, e, máis recentemente, tamén se habilitou un espazo en Facebook con información puntual das súas actividades.
Garabullos, un pequeno mundo aberto a todo o mundo
Patricia Fouce
CERNA Nº 68 - Sentenzas incumpridas nas rías galegas
Páx. 37-38
Garabullos é un espazo libre inmerso na natureza da Terra Chá para aprender coas emocións; un tempo pausado para desenvolver os nosos talentos; unha vida equilibrada; unha experiencia para compartir os nosos coñecementos e traballar coas nosas capacidades; unha aposta por ser felices... Baixo esta premisa, esta instalación, localizada na parroquia de Sistallo, en Cospeito (Lugo) acolle as actividades dinamizadas pola Asociación Revolta Natural, integrada por xentes que nalgún momento tiveron contacto co proxecto inicial de Garabullos, que abriu as súas portas como granxa-escola no ano 2008.
Limpando praias para mudar conciencias
Lucía Parente
CERNA Nº 68 - Sentenzas incumpridas nas rías galegas
Páx. 39-40
O 8 de xuño conmemórase o Día dos Océanos. Por este motivo e co obxectivo de concienciar á cidadanía galega ante a problemática dos residuos no medio mariño e litoral, ADEGA organizou unha limpeza simultánea de praias en todo o país. Foi unha actividade que contou coa colaboración económica da Fundación Biodiversidad, enmarcada no proxecto “Praias, voluntariado e custodia do territorio”. Alén da limpeza de praias, ADEGA promoveu outra iniciativa dentro desta campaña chamada “Conservando as nosas dunas” poñendo en valor os ecosistemas dunares e eliminando flora exótica invasora. Neste artigo abordamos os resultados.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal