Artigos de Ecoloxismo. Revista CERNA, medio ambiente e ecoloxismo da man de ADEGA
Balanzo ambiental 2008: Moita improvisación e publicidade, poucos avances
Fins Eirexas
CERNA Nº 57 - Transporte: O tren de proximidade
Páx. 14 - 15
Facer un balanzo anual é unha das ferramentas máis útiles para poñer en perspectiva todo o acontecido ao longo do ano. A lexislación, enerxía eólica, o tema residuos, espazos protexidos... son algúns dos temas que se tratan neste artigo que no amosa os acertos, fallos e melloras que se poden dar en cada sector. Para ter un visión en perspectiva de todo o acontecido no 2008, Fins Eirexas, a través deste artigo que dará todas as claves dende un punto de vista ecolóxico.
Entrevista a Luís Díaz Cabanela
Entrevistado por Belén Rodríguez
Páx. 16 - 17
Luís Díaz Cabanela, médico e ten un Mestrado en Toxicoloxía. Como Vogal de Saúde Ambiental de ADEGA, foi un dos primeiro en alertar dos perigos de manipular o chapapote durante a marea negra do Prestige. A incidencia da descarga do carbón no peirao de A Coruña, impacto do flúor na zona de San Cibrao, ou o impacto da urbanización na Costa galega son algúns dos traballos nos que se ocupa.
Propostas ecoloxistas, ao novo goberno da xunta
Fins Eirexas
CERNA Nº 58 - Crónica: O incerto futuro de ENCE en Galiza
Páx. 12
ADEGA demanda que na nova lexislatura se consoliden os avances en materia medioambiental, e que o PP non volva cometer os erros do pasado. Nesta liña demandase que se amplíe a rede de espazos protexidos, que se troque progresivamente a obtención de enerxía de orixe fósil pola de orixe renovable, se tomen medidas para reducir os residuos e se fomenten usos responsables da auga e os ríos
Xosé Anxel Carreira: CHE. Un histórico de ADEGA
Adela Figueroa
CERNA Nº 58 - Crónica: O incerto futuro de ENCE en Galiza
Páx. 42
Relato de Adela Figueroa que lembra de xeito emotivo o paso vital e ecoloxista, dun membro histórico de ADEGA, Xosé Ánxel Carrera, alcumado “CHE”
A traxectoria mariña da CEMMA
Alfredo López
CERNA Nº 59 - Mar: do litoral ás profundidades
Páx. 15 - 17
As tartarugas e os mamíferos mariños cóntanse entre fauna mariña máis ameaza de supervivencia en todo o mundo. Todas as especies de tartarugas mariñas están en perigo de extinción a nivel mundial. A caza directa levou á extinción da balea basca nas augaseuropeas e ao borde da desaparición dos grandes cetáceos, tamén o impacto doutras actividades humanas manteñen nunha delicada situación a especies tan emblemáticas como os arroaces e as toniñas. Os labores de asistencia aos animais varados, de investigación e de educación ambiental, que puxo en marcha a CEMMA dende o ano 1990 en Galicia, naceron coa vocación de contribuír a conservación das especies.
20 anos da federación ecoloxista galega (FEG). Temos raíces
Anxo Moure, Tino Quintela e Camilo Ojea (membros da FEG)
CERNA Nº 61 - Lei do solo: Legalizar a especulación
Páx. 10 - 11
Na Asemblea do 20 aniversario da FEG, celebrada os pasados 27 e 28 de marzo, presentouse o proxecto Temos Raíces!, unha proposta que pretende recoñecer o traballo realizado pola nosa federación e todos os grupos que a conformaron ao longo da súa historia,investigando, recollendo e poñendo en valor todas aquelas iniciativas, materiais, documentos, recursos de diverso tipo que foron promovidos e creados no noso camiñar. Os autores coordinaron as actividades de presentación deste proxecto, co afán de resumir un sentimento compartido.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal