Artigos de Mar e litoral. Revista CERNA, medio ambiente e ecoloxismo da man de ADEGA
Medio físico e ordenación do litoral en Galiza
Juan López Bedoya
CERNA Nº 60 - Sentenzas Xudiciais: Caso Rinlo
Páx. 18 - 21
A ordenación do territorio é un eficaz instrumento de aforro, no referido aos investimentos públicos no territorio, e de preservación dos valores naturais. Esta última debe contar coa participación dunha comunidade científica independente, non instrumentalizada polos grandes axentes económicos ou os partidos políticos. A visión tecnicista do medio físico, especialmente en áreas tan sensíbeis como a costa, levou aos límites da capacidade de carga do medio natural. Desta actitude derivan perdas económicas e medioambientais previsíbeis que alimentan investimentos restauradores nun círculo vicioso non casual e no que a administración pública acaba salvagardando os intereses privados.
O Intermareal, un espazo cheo de vida
Xandro García Regueira
CERNA Nº 60 - Sentenzas Xudiciais: Caso Rinlo
Páx. 22 - 23
O intermareal é a porción de costa máis próxima ao dominio terrestre, situada entre as posicións que acadan as mareas: entre o máximo histórico de marea alta e mínimo histórico de marea baixa. Nas nosas costas a distancia vertical entre estes dous extremos é aproximadamente de 4 metros e temos dúas mareas altas e dúas mareas baixas ao día. Por diversos factores, o intermareal é unha zona de fortes contrastes, grande variedade de hábitats e elevada produtividade.
Os centros de investigación mariña en Galiza
Alexandre García Regueira
CERNA Nº 62 - O lixo en Galiza: Máis incineración?
Páx. 29 – 30
A moita contaminación que leva sufrido, as inxentes cantidades de recursos que extraemos, os moitos metros que lle levamos gañado..., fannos crer que o mar pode con todo, pero non é certo. Hoxe xa non se pesca coma antes e é moi difícil atopar franxas de costa que non estean humanizadas. Estes son sen dúbida síntomas de que a nosa relación co mar non está a ser respectuosa. A investigación pode darnos os medios para evitar que a situación empeore. Unha mellor comprensión dos procesos que teñen lugar nel, unha xestión sustentábel dos recursos ou unha mellora na xestión de residuos son aspectos que a investigación pode e debe axudar a aplicar no mar.
Blowin’ in the wind como dicía Dylan. Influencia do cambio climático sobre o afloramento mariño e a produtividade das rías galegas
Xosé Antonio Padín Álvarez
CERNA Nº 64 - O impacto do cambio climático nas rías galegas
Páx. 12 - 15
Os afloramentos costeiros, fenómeno presente nas marxes occidentais dos continentes, son unha das zonas máis produtivas do planeta. Mais nos últimos anos o cambio climático fai que este paradigma mude cara un afundimento, o que pode ocasionar graves danos a biodiversidade mariña da costa e rías galegas.
Divulgando a pé de mar: Proxecto de "Estudo sobre as interaccións cetáceos-pesca nas augas de Galiza"
Xosé Mtnez Cedeira, Xesús Morales, Xosé A. García e Alfredo López
CERNA Nº 67 - O lume: dono dun monte desleixado
Páx. 32-33
A Coordinadora para o Estudio dos Mamíferos Mariños – CEMMA - leva máis de vinte anos traballando no estudo, divulgación e conservación dos cetáceos, lobos mariños e tartarugas mariñas en Galiza. Nesta liña, a CEMMA levou a cabo o proxecto “Divulgando a pé de mar” durante os anos 2008-2010 para abordar e estudar a fondo esta cuestión, contando co financiamento da Consellaría do Mar. Posteriormente, nos anos 2009-2011 e dentro do proxecto LIFE+INDEMARES (www.indemares.es) que estivo coordinado pola Fundación Biodiversidad, o traballo estendeuse aos portos de Asturias, Cantabria e Euskadi.
Sentenza trascendental para a ría de Pontevedra
Antón Masa
CERNA Nº 68 - Sentenzas incumpridas nas rías galegas
Páx. 10-11
O 18 de xullo de 2003, o Consello da Xunta de Galiza, presidido daquela por Fraga Iribarne, acordaba declarar de interese supramunicipal a fábrica de papel tisú que a empresa ENCE pretendía instalar nos terreos de dominio público marítimo-terrestre que ocupa en Lourizán. O Goberno galego trataba de evitar así a oposición aberta do concello pontevedrés á posta en marcha do proxecto, o cal suporía a consolidación de ENCE na Ría. Agora, o Tribunal Supremo vén de ditar resolución que estima en parte os argumentos utilizados por APDR no seu recurso, decisión que é o verdadeiro obxecto deste artigo e que debería ter unha importante repercusión para o futuro de ENCE na nosa Ría.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal