Artigos de Contaminación. Revista CERNA, medio ambiente e ecoloxismo da man de ADEGA
A contaminación electromagnética. Un risco imposto polas operadoras ante a desidia das administracións
Fins Eirexas
Páx. 18 - 20
Nos últimos anos temos asistido a unha incontrolada proliferación no medio rural e urbano dunha serie de infraestruturas, de estacións de GSM, DCS, LMDS, UMTS, dispolos repetidores, antenas de alta ganancia, picocélulas e microantenas, radioenlaces, etc., ou os novos sistemas Wi-Fi. Isto ten provocado un aumento da contaminación electromagnética que non acada unha rápida resposta por parte das administracións encargadas de garantir a saúde ambiental e cidadá fronte os posíbeis efectos destas radiacións. O poder económico dos operadores de telecomunicacións e o peso do lobby das microondas ten provocado que política dos feitos consumados e da permisividade rexan o proceder do goberno a hora de controlar o desenvolvemento destas tecnoloxías.
A debate. O incerto futuro de ENCE en Galiza
Belén Rodríguez e Fins Eirexas
CERNA Nº 58 - Crónica: O incerto futuro de ENCE en Galiza
Páx. 25 - 28
Dentro de nove anos, no 2018, o complexo Ence-Elnosa ten que pór fin á súa actividade de fabricación de pasta de papel en Pontevedra. Desde que se fixo pública a data de caducidade, a Administración viuse obrigada a responder a determinadas cuestións relacionadas co futuro da entidade empresarial en Galiza que precisan resposta: a partir do ano 2018, ou antes, irase Ence de Pontevedra? Será o seu peche o fin da súa actividade no país? Existe outra localización adecuada para a fábrica da celulosa en Galiza? Como vai influír a súa marcha no aproveitamento forestal do territorio galego? E desde un punto de vista económico ou social? Demasiadas preguntas que o anterior goberno non abordou con determinación e que, coa entrada dunha nova Administración "popular", quedan aínda máis sumidas no escurantismo da incerteza. O que si está claro, ao menos desde o eido ecoloxista, é a magnitude do impacto que a actividade de Ence ten suposto para o medio ambiente galego. ADEGA quixo retomar o debate sobre o futuro do complexo Ence-Elnosa nun encontro entre os seus socios e socias e personalidades das universidades galegas, de grande pouso no ecoloxismo galego, convidados a analizar as posíbeis opcións dese futuro incerto. Tomaron posicións o expresidente de ADEGA e profesor de Enxeñaría Química na UDC, Manuel Soto Castiñeira, o Catedrático en Bioloxía e tamén expresidente de ADEGA, Ramón Varela, e o Catedrático en Economía Aplicada pola USC, Xabier Vence.
Responsabilidade civil por danos causados por hidrocarburos
Luis Villares Naveira
CERNA Nº 59 - Mar: do litoral ás profundidades
Páx. 28 - 29
O “Estudo crítico sobre o réxime de responsabilidade civil por danos causados por hidrocarburos. Ensinanzas do Prestige.”, editado en Rexurga (Pontevedra, 2009) é unha obra que forma parte do traballo levado a cabo polo Grupo de Investigación de Economía Pesqueira e Recursos Naturais da USC que dirixe Mª do Carme García Negro, e que analiza sectorialmente as consecuencias da catástrofe ocasionadas polo buque petroleiro Prestige en 2002.
Segundo o rexistro PRTR-España. Grandes contaminantes industriais en Galiza
Ramón Varela Díaz
CERNA Nº 61 - Lei do solo: Legalizar a especulación
Páx. 18 - 21
Unha fonte fiable para coñecer a contaminación das grandes industrias é o rexistro estatal de emisións e fontes contaminantes, ou PRTR-España, se observamos detidamente este rexistro podemos observar que Galiza ten unha industrias altamente contaminantes en relación a súa poboación, industrialización ou desenvolvemento, isto explicase vendo a que abastecen estas industrias, que no canto de producir para Galiza producen para todo o estado, por iso, compre que se rebaixe pronto e de forma importante a emisión e o vertido que realizan determinadas industrias.
Contaminación por fluoruros no contorno de Alcoa, San Cibrao
Luís Díaz Cabanela
CERNA Nº 60 - Sentenzas Xudiciais: Caso Rinlo
Páx. 30 - 32
Diferentes análises realizadas nos arredores da factoría de aluminio ALCOA-INESPAL de San Cibrao (Lugo) amosan unha alta contaminación por fluoruros. O fluoruro de calcio é utilizado como electrólito e o fluoruro de sodio como fundente na fabricación de aluminio. Neste artigo amósanse os niveis da presenza deste contaminante nos diversos ecosistemas da zona.
Efectos do Prestige sobre os ecosistemas
Victoriano Urgorri
CERNA Nº 62 - O lixo en Galiza: Máis incineración?
Páx. 26 - 28
O desastre do Prestige foi unha das peores catástrofes que viviu o noso país, incrementada por unha nefasta xestión do desastre ao meter o buque no centro da borrasca, creando así esa inmensa mancha que acadou todo o litoral galego. Os efectos inmediatos foron claros e puidéronse ver os centos de aves que morreron nun espazo de tempo, pero non se ven os efectos que inda hoxe hai no litoral, e o peor e que a situación podería pasar en calquera momento outra vez. Ademais disto, inda que pareceu que o desastre espertou unha alta conciencia ambiental na sociedade, non podemos dicir o mesmo da administración xa que a contaminación das rías galegas incrementouse exponencialmente dende o Prestige.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal