Inicio / Números anteriores / CERNA Nº 15 - -
Artigos da revista CERNA Nº 15
Salgueiros e vimieiros de Galicia
Henrique Niño Ricol
Páx. 7-9
O xénero Salix comprende unhas 160 especies, case todas leñosas, polo regular árbores e arbustos, que viven con preferencia nos países temperados do hemisferio boreal. Delas 27 son nativas da Península Ibérica e en Galicia, autóctonas ou naturalizadas, pódense atopar 10 especies distintas.
Roteiro: A península do Barbanza
Elvira Cienfuegos
Páx. 10-11
A península do Barbanza, a meirande de Galicia está situada no extremo suroccidental da provincia da Coruña, entre a ría de Arousa e a de Muros-Noia. Nela pódese distinguir por un lado un cinto litoral moi poboado e polo outro a serra de Barbanza.O artigo fai referencia a un roteiro por esta última, facendo fincapé nos puntos máis salientables.
Recollida selectiva en orixen
Luis Mª Rodríguez Elía
Páx. 12-18
A experiencia da reciclaxe de R.S.U. na Mancomunidade de Montejurra (Comarca de Estella, Navarra).
Mougá, entre a realidade e o desexo
Carlos Pérez Losada
Páx. 19-23
Valoración da problemática que aqueixa á única planta de compostaxe existente en Galicia, presenta unha proposta de mellora e unha avaliación económica que a fai competitiva frente ao Plan de Incineración da Xunta, mesmo nos escenarios máis negativos para a reciclaxe. Máis alá do balance económico favorable, a consideración dos beneficios ambientais da reciclaxe e compostaxe lévanlle a facer unha chamada ás institucións, especialmente ao concello de Ferrol e á Xunta de Galicia, para proceder á mellora e reapertura total da planta de compostaxe de Mougá.
A visión de equilibrio natural en Sarmiento. Posición dun ilustrado pioneiro
Xosé A. Fraga Vázquez
Páx. 24-25
Nestes días celébrase o terceiro centenário do nacimento do salientábel ilustrado galego Martiño Sarmiento. Entre os moi diversos temas aos que este erudito prestou atención figura o da pesca na ría de Pontevedra e as migracións dos atúns; no estudo adicado a estes peixes introduce uns interesantes comentarios sobre o equilibrio natural, cuestión que trataremos neste artigo.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal