Buscador
O Rexo (Allariz)
Bernardo Varela López
CERNA Nº 64 - O impacto do cambio climático nas rías galegas
Páx. 44
O Centro de Educación Ambiental (CEA) O Rexo está situado en Allariz, na estrada que discorre ao carón do Río Arnoia cara a Xunqueira de Ambía, na Parroquia de Requeixo de Valverde. Enclavado no corazón da Reserva da Biosfera Área de Allariz , artéllase como un instrumento de divulgación dos valores na defensa do equilibrio entre o ser humano e a natureza que a UNESCO promove para estes territorios, ao tempo que permite achegar a grupos e individuos aos valores medioambientais nun contorno privilexiado, no ámbito da actuación pictórica de Agustín Ibarrola coñecida como Ecoespazo do Rexo.
Os boletus
Cristovo Ruíz Leivas
CERNA Nº 64 - O impacto do cambio climático nas rías galegas
Páx. 46
Os boletus son un manxar cobizado en calquera gastronomía e facilmente recoñecibles grazas a súa carne branca. Saber identificar as especies, as súas características principais, o seu hábitat e os meses de colleita e como se deben recolectar é fundamental para evitar os perigos asociados coa recolección de fungos e para garantir a súa óptima continuidade.
Cogomelos, tamén na primavera
Hifas da Terra
CERNA Nº 64 - O impacto do cambio climático nas rías galegas
Páx. 47
Aínda que o outono é a época do cogomelo por excelencia, na primavera tamén atopamos varios exemplares de fungos. E para os amantes de cogomelos que queiran consumir este produto durante todo o ano, empresas como Hifas da Terra realizan cultivos reciclando materiais vexetais e garantindo un produto ecolóxico e de calidade.
O Castelo de Pambre agocha un tesouro
Xosé Salvadores
CERNA Nº 64 - O impacto do cambio climático nas rías galegas
Páx. 48
Ata o de agora o Castelo de Pambre é coñecido como mostra do patrimonio histórico e artístico medieval, mais a partires de agora tamén será coñecido como hábitat do caracol de Quimper, hoxe en día en grave perigo de extinción. Ademais, este curioso caracol tivo a sorte de atoparse na Eira da Xoana, casa de ADEGA en Ramil (A Golada), onde se realizaron todos os traballos necesarios para garantir o benestar da especie.
Dente de León
María Xosé Castro e Marga Miguens
CERNA Nº 64 - O impacto do cambio climático nas rías galegas
Páx. 49
Quen non soprou algunha vez as sementes do dente de león para que saísen voando? Pero o dente de león é máis que un entretemento. Trátase dunha planta moi común en que podemos atopar en calquera prado e cunha morfoloxía moi característica. Pero o que ao mellor non sabemos son as cuantiosas propiedades que ten. Este artigo somérxenos nas características e propiedades do dente de león e danos algunhas ideas sobre como utilizar esta singular planta na nosa vida diaria.
A ruta da pedra e da auga no río Armenteira
Redacción
CERNA Nº 64 - O impacto do cambio climático nas rías galegas
Páx. 50
A Ruta da Pedra e da Auga transcorre polas marxes do río Armenteira, afluente do Umia, no treito comprendido entre o lugar de Barrantes, no concello de Ribadumia, e o Mosteiro de Armenteira, no concello de Meis. En total son 6,5 quilómetros ás beiras do río nos que podemos observar a vexetación propia de ribeira, con árbores autóctonas (salgueiros, carballos, ameneiros, sobreiras carballos...)e unha grande variedade de elementos etnográficos como muíños, pontes, petróglifos, fontes, lavadoiros. Sen dúbida, destaca nestas marxes a ringleira de 53 muíños, en distintas fases de conservación, que acompañan as augas río abaixo. Non é estraño, pois, que este percorrido reciba o nome da “Ruta da Pedra e da Auga”: a “Pedra” polas ducias de construcións etnográficas que acompañan o efluente e a “Auga” que procede dunha grande cantidade de ríos e regatos que atravesan a comarca do Salnés.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal