Buscador
Acuicultura e sustentabilidade
Adela Figueroa Panisse
Páx. 27
Estes días estamos á escoitar diferentes opinións acerca da planta de cría de rodaballo que Pescanova pensaba instalar en terreos da Rede Natura no Cabo Touriñán. Segundo confesan os veciños, vendéronlle as terras a 1 euro/metro cadrado (350.000 metros cadrados) coa esperanza de teren traballo na planta. As declaracións dunha das veciñas de Touriñán abraioume especialmente: "Nós nin sabiamos que isto era Rede Natura. O que nós queremos é que os nosos fillos non teñan que emigrar como fixeron tantos outros"
NORFOR: A peor xestión con selo FSC
Benito Andrade
Páx. 28-29
Sabías que eses eucaliptos que se plantan en solos degradados pola utilización de maquinaria pesada que altera os seus horizontes acelerando a erosión teñen unha certificación "ecolóxica"? Sabías que esas extensas plantacións nas que a vexetación acompañante foi eliminada coa aplicación masiva de herbicidas son o paradigma declarado de sustentabilidade ambiental? Sabías que a empresa que derrubou o prezo do eucalipto ate rozar os 10 euros por tonelada, é na que máis do 80% do emprego é da peor precariedade, é modelo de sustentabilidade social? Non é broma, estamos á falar de NOR-FOR,a filial forestal de ENCE, ambas posúen certificación FSC.
ENCE: fora da ría!
Antón Masa
Páx. 30-32
Antón Masa, presidente da Asociación pola Defensa da Ría de Pontevedra (APDR) interviu na lección inaugural da Asemblea Xeral de ADEGA para facer unha revisión histórica deste movemento ecoloxista desde a súa aparición tras o levantamento do complexo ENCE na cidade do Lérez ata a actualidade. Definiu o nacamento de APDR, coma a resposta ao fin dos prexuízos ambientais que se derivaron desde a instalación do complexo.
Unha nova agresión no río Umia
Virginia Rodríguez, Ramsés Pérez
CERNA Nº 49 - Especial: xestión do lixo
Páx. 7-8
O vertido tóxico da empresa Brenntag (08/09/06) ocasionou unha catástrofe ambiental no Umia. Durante dez días, o río tornou completamente azul. Máis tarde, viraría completamente verde, augas arriba, á raíz do estancamento da auga e os efectos dos numerosos vertidos sen depurar que o río sofre a diario.
Os lumes a debate: causas e solucións
Belén Fernández
CERNA Nº 49 - Especial: xestión do lixo
Páx. 9-14
Galiza arde desde hai 4 décadas cunha intensidade que ven marcada pola climatoloxía estival, a acumulación de biomasa combustíbel no monte e pola maior ou menor actividade incendiaria. Dende o ecoloxismo vimos defendendo que a solución aos incendios non pode descansar unicamente no dispositivo de apagar o lume, senón nas causas estruturais que fan posíbel esta epidemia. O modelo forestal é un dos primeiro factores que condicionan o alcance dos incendios, ao promover monocultivos como eucaliptos ou piñeiros. Se a isto lle sumamos o abandono da agricultura rural, e do rural en xeral, máis a reforestación, obtemos a situación de crise da Galiza.
A posición ecoloxista
ADEGA, FEG
CERNA Nº 49 - Especial: xestión do lixo
Páx. 16-17
Baixo o lema "Abrindo camiños de diálogo", ADEGA e a FEG, realizaron unhas xornadas entorno aos usos e xestión dos residuos na Galiza. Co fin de coñecer os resultados e alternativas existentes contouse con representantes das diferentes entidades máis salientables do noso país. Poñendo especial atención nas cantidades que eran reutilizadas, as destinadas á reciclaxe, á compostaxe, á incineración ou ao vertido. Intentando crear un mapa de xestión do lixo completo. Porén esta tarefa resultou complexa posto que as canles de información usuarias - empresas móvense so en intereses económicos.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal