CERNA Nº 50 - CERNA x 50, 16 anos informándote. Especial incendios
Páx. 56 – 57
Os ríos e fervenzas, doídos polo trato do ser humano, marchan para vivir agochados no Pedregal de Irimia. Os árbores, moi afectados polo sucedido xa que viven namorados dos ríos, deciden enviar ao Carballo con Botas á procura dos ríos e fervenzas e convencelos de que volvan, na súa procura atopará a unha Xacia que tentará axudalo.O despertar da auga é un conto educativo escrito por Anxo Moure no que se fala da importancia da auga para a vida, e do maltrato que sofren os ríos por parte dos humanos.
CERNA Nº 54 - Viaxe ao Bidueiral de Montederramo
Páx. 39
Neste artigo dáse a coñecer o novo mecanismo de funcionamento do GDR ou grupos de desenvolvemento rural (antigo Grupo de Acción Local). O GDR a través do programa europeo LEADER, busca a descentralización das políticas de desenvolvemento rural, e a participación social. Para iso AGADER (Axencia Galega de Desenvolvemento Rural) propón unha nova configuración dos GDR con unha menor participación institucional e unha maior presencia de asociacións ligadas ó ámbito rural.
CERNA Nº 54 - Viaxe ao Bidueiral de Montederramo
Páx. 41 - 42
A Asociación para a Defensa Ecolóxica de Galiza ADEGA, vén de botar a andar un proxecto de educación e recuperación do patrimonio ambiental co nome de Aldea Verde. A iniciativa pretende crear un Centro de Educación Ambiental e de Patrimonio Cultural, constituíndo un espazo de achegamento ao mundo rural e as súas particularidades, atendendo á súa diversidade, tomando o Alto Ulloa como exemplo de rural e das súas posibilidades de futuro.
CERNA Nº 54 - Viaxe ao Bidueiral de Montederramo
Páx. 44 - 45
Anxo Moure é ecoloxista, contacontos, educador ambiental e amante da bicicleta. Tamén é o fundador de Xevale Ecoloxía, de onde xurdiron as bicis-vixías e os cazadores de lixo. Ademais creou “Bicis pola Paz” e “Ciclo biblioteca”. Anxo leva xa moito tempo facendo educación ambiental a través das personaxes dos seus contos, os que comparte con todo tipo de público, dende nenos ata anciáns.
CERNA Nº 54 - Viaxe ao Bidueiral de Montederramo
Páx. 47
Fogares verdes é un programa de educación ambiental dirixido a domicilios de Santiago de Compostela, que ten como finalidade a promoción do aforro de auga e enerxía na vida cotiá. Defínese como un programa de participación ambiental que pretende incorporar accións sinxelas e mudar hábitos para poder reducir o consumo de recursos no fogar. Fogares verdes é unha iniciativa de ADEGA que se desenvolve en colaboración co INEGA (Instituto Galego da Enerxía) e a Concellería de Medio Ambiente e Desenvolvemento Sostíbel do Concello de Compostela.
CERNA Nº 54 - Viaxe ao Bidueiral de Montederramo
Páx. 48 - 50
O lixo é o claro exemplo da insustentabilidade da sociedade occidental. Unha cultura dificilmente se pode autoproclamar avanzada, cando non é capaz de tirarlle rendemento á multitude de recursos "sobrantes" en que converteu numerosas materias primas logo do seu uso. Pola contra, poderíase denominar a cultura da ineficiencia ou do desbaldimento.Pensar que o problema do lixo está solucionado por haber catro contentores nas rúas e outros tantos no fogar é unha ilusión que non nos podemos permitir. Cando sexamos quen de ir reducindo paulatinamente a nosa produción de residuos até o mínimo e darlle novas oportunidades a cada unha das fraccións, poderemos dicir que a cousa vai no bo camiño. Entón,esa capacidade permitiranos afirmar que vivimos nunha sociedade avanzada e moderna.