Buscador
Compostaxe doméstica: imitando a natureza
Ramsés Pérez
CERNA Nº 49 - Especial: xestión do lixo
Páx. 18-19
ADEGA ven desenvolvendo dende o verán do 2002 un total de 11 programas de compostaxe caseira coa finalidade de darlle unha xestión ecolóxica aos residuos orgánicos e así evitar a súa incineración ou vertido. A compostaxe caseira tense demostrado neste período de tempo como un sistema eficiente na xestión domiciliaria dos residuos orgánicos e cada día máis persoas interesante por este sistema de tratamento descentralizado.
Redución do lixo: unha utopía posíbel
Celestino Quintela Sabarís
CERNA Nº 49 - Especial: xestión do lixo
Páx. 20-21
A produción do lixo e o tratamento (ou non) que del se fai, constituíu un dos principais impactos que unha sociedade fai sobre o medio ambiente. Neste senso o modelo ecoloxista desde os seus inicios, defende o modelo das 3R: Reducir, Reutilizar e Reciclar. Son numerosas as experiencias arredor da Terra que dan conta das posibilidades de éxito destes modelos máis sostibles. Mais para reducir e simplificar a produción de residuos cómpre facer cambios estruturais de base, nos que o diálogo e a participación cidadá sexan eixos básicos.
Complexo medioambiental do Barbanza
Marta Domínguez Domínguez, Jacobo Patiño López
CERNA Nº 49 - Especial: xestión do lixo
Páx. 22-24
O Complexo Medioambiental do Barbanza, situado no concello de Lousame (A Coruña) xestiona o total dos residuos sólidos urbanos (RSU) xerados nos concellos de Brión, Lousame e Porto do Son, Muros, Carnota, Rois, Pontecesures e Ames. Ademais de recoller o papel e vidro do concello de Noia. Este complexo xestionado por FCC, S.A iniciou o seu plan integral de máxima valoración dos residuos. Implantación da recollida selectiva, recuperación dos residuos de envases para reciclaxe e valorización da materia orgánica mediante a súa compostaxe aerobia.
De SOGAMA á Sociedade Galega do Medio Ambiente
José Álvarez Díaz
CERNA Nº 49 - Especial: xestión do lixo
Páx. 25-27
A Sociedade Galega do Medio Ambiente, instrumento operativo ao servizo da política ambiental que fixa a Consellería de Medio Ambiente e Desenvolvemento Sostible da Xunta de Galiza, abre novos horizontes para a xestión ambiental da nosa Comunidade. Abrindo novos horizontes con actividades orientadas á protección, conservación e mellora do medio ambiente.
Plano de Xestión de Residuos de A Coruña
Luís Fernando Roade
CERNA Nº 49 - Especial: xestión do lixo
Páx. 28-30
A Lei 7/85 de Bases de Réxime Local atribúe no seu atirgo 26.2 b),d e forma xenérica aos municipios de xeito obrigatorio, a recollida, transporte e a eliminación dos residuos urbanos. Ao mesmo tempo, a Lei de Residuos obriga aos municipios de máis de 5.000 habitantes a implantar sistemas de recollida selectiva. O que a Lei de Residuos non explica é o que hai que separar nese modelo de recollida selectiva pero, do conxuntoi normativo existente dedúcese un modelo que penaliza, en último termo, á compostaxe. Rompendo unha lóxica autosustentable, de aproveitamento de recursos, de aforro de materias primas e de ruptura cos sistemas hexemónicos de tratamentos residuais.
A rede de avistamento de cetáceos
Alfredo López, Mara Caldas
CERNA Nº 49 - Especial: xestión do lixo
Páx. 31-33
Dende o ano 1990 a Coordinadora para o Estudo dos Mamíferos Mariños-CEMMA investiga a sitaución e problema-tica das especies mariñas na Galiza. Sobre todo dos cetáceos. Amais de manter un rexistro dos exemplares varados, procura a reintrodución e recuperación dos que aparecen vivos, mantendo un firme seguimento das poblacións. Empréganse diferentes mecanismos e recursos para esta labor, como por exemplo a Rede costeira de avistamentos, os Días de observación costeira de cetáceos, os 53 puntos de observación costeira, as Campañas en barcos pesqueiros , de pasaxe ou específicas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal