Buscador
21/02/2013 [00:10:00] [5.73 MB]
Os lodos da ría do Burgo alarmaron aos parlamentarios europeos
Foi a terceira visita e última dos eurodeputados europeos polas rías galegas. O estado de contaminación da ría do Burgo non deixou indiferentes aos parlamentarios europeos, nomeadamente, a acumulación de lodos nos seus fondos. A Plataforma en defensa da ría do Burgo quedou satisfeita desta visita, como imos escoitar no espazo de hoxe.
20/02/2013 [00:10:00] [5.73 MB]
Delegados europeos a poucos metros de Reganosa
A ría de Ferrol foi o segundo enclave do litoral galego que visitou a delegación parlamentaria da Unión Europea. Por primeira vez poideron observar de xeito directo a localización de Reganosa no interior da ría e comprobar os riscos que ten. O Comité Cidadán de Emerxencia da Ría de Ferrol aseguran que os eurodeputados quedaron alarmados.
19/02/2013 [00:10:00] [5.74 MB]
Europa mira con lupa o saneamento da ría de Vigo
A partir de hoxe ata o venres analizaremos con varios colectivos e plataformas como versou a visita dos eurodeputados ás rías galegas para comprobar sobre terreo o seu estado de contaminación e degradación. Hoxe comezamos por avaliar a visita á ría de Vigo coa plataforma que se encarga da súa defensa.
18/02/2013 [00:10:00] [5.74 MB]
A xustiza falla a favor da paralización das obras de Valdoviño
É un dos casos galegos máis paradigmáticos no incumprimento da lexislación ambiental e urbanística. Unha sentenza do Tribunal Superior de Xustiza de Galiza bota abaixo as pretensións de construción dunha urbanización de chalés e dous hoteis na costa de Valdoviño, en zona protexida con varias figuras legais ambientais e patrimoniais. ADEGA manifesta a súa satisfacción, aínda que o fallo é recurrible.
15/02/2013 [00:10:01] [5.74 MB]
Boletín informativo ambiental 15/02/13
A visita dos eurodeputados ás rías galegas foi a nova ambiental máis relevante da última semana, pero se queres que outras noticias nos deixaron os últimos días sobre medio ambiente e ecoloxía, escoita este espazo CERNA.
14/02/2013 [00:10:01] [5.74 MB]
A idea do “procomún” nos montes veciñais
Neste programa CERNA descubriremos cal é a filosofía do "procomún" e como pode ser aplicada nos montes veciñais. Un grupo de colectivos enzarzan os seus traballos para crear o proxecto "Sachando procomún" que, entre outras finalidades, intenta achegar as novas teconoloxías ás comunidades de montes e crear foros de investigación sobre esta parte do territorio que resulten innovadores e multidisciplinarios.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal