Radio CERNA

Radio CERNA

Buscador

Formulario de busca

20/04/2018   [00:10:00]   [6.89 MB]

Boletín informativo ambiental 20/04/2018

Convidámoste a coñecer as novas máis relevantes que atinxen ao medio ambiente galego. Escoita este espazo de información ambiental.

18/04/2018   [00:10:00]   [6.87 MB]

As brigadas deseucaliptizadoras saen aos montes

Nun momento no que o debate sobre o eucalipto rexorde con forza nacen as brigadas deseucaliptizadoras. A asociación ecoloxista Verdegaia crea esta figura de voluntariasdo para eliminar as especies invasoras, como eucaliptos ou acacias, nas parcelas ou montes galegos nos que os/as titulares propietarios/as dean permiso. Os grupos de traballo serán locais ou comarcais. As primeiras brigadas deseucaliptizadoras actuarán nos montes de Froxán (Lousame) esta fin de semana.

16/04/2018   [00:10:00]   [6.88 MB]

X. Alfredo Pereira: A Xunta quere roubarnos o monte veciñal para dárllelo ás empresas forestais e enerxéticas

A Organización Galega de Montes Veciñais en Mancomún (ORGACCMM) convoca para o vindeiro domingo, 22 de abril, unha manifestación en Santiago de Compostela por un Plano Forestal para un medio rural vivo. Tamén para reivindicar a titularidade comuneira dos montes veciñais, algo que está en risco desde as últimas modificacións lexislativas feitas pola Xunta de Galiza. Os comuneiros e comuneiras temen que lles rouben o monte a favor das empresas forestais, mineiras ou enerxéticas.

13/04/2018   [00:10:00]   [6.89 MB]

Boletín informativo ambiental 13/04/18

Coñece con Radio Cerna a información máis actual sobre o medio ambiente e a ecoloxía de Galiza. Este venres facemos repaso!

11/04/2018   [00:10:00]   [6.88 MB]

A ONU chama a contas a Xunta pola súa falta de transparencia

Ocultar información ambiental e ser pouco transparentes por parte das administracións públicas implica incumprir o Convenio Aarhus, un convenio internacional que dota de dereitos aos cidadáns para poder acceder a este tipo de información e participar nas decisións relativas a cuestións ambientais. Recentemente, varios colectivos da plataforma Contraminacción conseguiron que a ONU admitise a trámite unha queixa contra a Dirección Xeral de Enerxía e Minas da Xunta de Galiza por impedir o acceso a información relativa a expedientes administrativo de explotaciońs mineiras. Agora a ONU chama a contas, non só á Xunta de Galiza, senón tamén ao Ministerio de Medio Ambiente, para que expliquen cales foron as razóns que motivaron esa falta de transparencia. Cóntanos os detalles Ana Varela, membro da asociación Petón do Lobo.

09/04/2018   [00:10:00]   [6.87 MB]

O exemplo a seguir de Froxán na xestión dos montes

Para recuperar calquera territorio agredido ambientalmente fan falta recursos, pero sobre todo, vontade. É a lección que nos está a deixar a Comunidade de Montes veciñais de Froxán (Lousame) que vén de sumar a outros recoñecementos pola súa xestión ambiental o Premio Internacional European Outdoor Conservation Association. Este novo galardón permitirá á comunidade de Froxán recuperar unha turbeira e 20 hectáreas de terreo, agora cobertas de eucaliptos e acacias, con especies arbóreas autóctonas e non invasivas.

Radio CERNA
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email: adega@adega.gal