25/03/2015 [00:10:00] [5.74 MB]
Xa pasou un mes desde que a colección de ourivería do lugués Álvaro Gil regresou ao Museo provincial de Lugo, logo de 14 anos de litixio xudicial. Este patrimonio deixou de estar á disposición da sociedade galega logo de estar depositado durante décadas na Sala do Tesouro do Museo. A súa volta está a ser moi ben acollida.
23/03/2015 [00:10:00] [5.74 MB]
No Día da Árbore, ADEGA, dentro da campaña "Cousa de Raíces" chama a atención sobre o estado das denuncias realizadas na provincia de Lugo por plantacións ilegais, cambios de uso de terras e incumprimento de distancias. Do máis do milleiro de denuncias presentadas tan só o 16% adquiren sanción.
20/03/2015 [00:10:00] [5.73 MB]
Escoita as novidades medioambientais que tiveron lugar no país esta semana!
18/03/2015 [00:10:00] [5.74 MB]
ADEGA, Mariñapatrimonio e outras 6 entidades culturais reclaman que se recupere o xacemento romano da praia de Esteiro, próximo ás Catedrais (Ribadeo) e que se investigue a arqueoloxía deste monumento natural para saber se se podería tratar dunha antiga mina de ouro romana. As últimas informacións emitidas pola Xunta, de xeito oficioso, anuncian que finalmente se dará autorización para levar a cabo un proxecto de recuperación do xacemento de Esteiro. O vindeiro domingo, 22 de marzo, estas entidades tamén organizan un roteiro para poñer en valor todos estes xacementos da Mariña.
16/03/2015 [00:10:00] [5.74 MB]
Trata de poñerlle imaxe e voz ao abandono e morte silenciosa do rural galego. A mostra "Os camiños da brétema", promovida polo colectivo poético A Porta Verde do Sétimo Andar e o fotógrafo Vicente Ansola, estará exposta no Museo provincial de Lugo ata finais de mes. A través dela achegarémonos a crúa realidade, pero desde unha perspectiva colorida. María Xosé Fernández do colectivo poético fálanos da raíz, sentido e finalidade desta exposición.
13/03/2015 [00:10:00] [5.74 MB]
Repasa con Radio Cerna a actualidade ambiental do país e coñece que actividades ambientais se realizarán os vindeiros días no noso territorio.