Buscador
01/12/2017 [00:10:00] [5.74 MB]
Boletín informativo ambiental 01/12/17
Se queres coñecer a actualidade ambiental de Galiza, escoita este espazo. Só tardarás en coñecela 10 minutos!
29/11/2017 [00:10:00] [5.73 MB]
Viaxe a Bruxelas para denunciar a destrución do patrimonio pola industria do eucalipto
Uns 18 colectivos galegos viaxarán a vindeira semana a Bruxelas para denunciar ante o Parlamento europeo a destrución do patrimonio arqueolóxico por mor da industria do eucalipto. A delegación galega está convidada pola europarlamentaria Lidia Senra aproveitando que o vindeiro ano 2018 se pretende declarar pola UE como Ano do Patrimonio Cultural. Un dos colectivos convidados é Mariña Patrimonio, que apunta responsabilidades contra ENCE e a Xunta de Galiza.
27/11/2017 [00:10:00] [9.21 MB]
A "Grande Aceleración", segundo Jorge Riechmann
"O Antropoceno e a Grande Aceleración" titulouse unha xornada de reflexión convocada polo Consello da Cultura Galega o pasado xoves para debater sobre o momento no que nos atopamos a nivel ecolóxico e sobre os retos de futuro aos que nos enfrontamos. Un dos convidados a esta xornada foi o filósofo e sociólogo Jorge Riechmann, autor de varios libros dedicados á limitación dos recursos naturais, os impactos dos seres humanos no Planeta, e a necesidade dun cambio de sistema económico-social. Entrevistamos a Riechmann en Radio Cerna.
24/11/2017 [00:10:00] [9.18 MB]
Boletín informativo ambiental 24/11/17
No espazo de hoxe repasamos a actualidade ambiental da última semana en Galiza. Anímate a coñecela.
22/11/2017 [00:10:00] [9.19 MB]
A reapertura da mina de San Fins baixo lupa nos xulgados
Unha das antigas minas que se pretenden reabrir en Galiza é a de San Finx en Lousame. Para poder explotar de novo, Sacyr debe conquerir o permiso de Augas de Galicia para poder verter ao rego San Fins preto de 1 millón de m3 de augas mineiras que se concentran nas vellas balsas. Pero agora a Fiscalía de Medio Ambiente traslada dilixencias ao xulgado para que este investigue se houbo un posible delicto penal na autorización da súa reapertura, á raíz da denuncia de colectivos sociais e ecoloxistas que sinalan que a mina xa está a verter augas ácidas e contaminadas ao rego San Fins, podendo estar prexudicando xa mananciais e a ría de Noia.
20/11/2017 [00:10:00] [5.73 MB]
A mina de Touro-O Pino atópase de fronte co rexeitamento veciñal
Veciños e veciñas de Touro e O Pino mobilízanse en contra do proxecto de reapertura e ampliación da mina de cobre de San Rafael S.L., que ocuparía preto de 700 Ha entre estes dous concellos. O anuncio do proxecto caeu como unha xarra de auga fría entre a vecindade que xa está a recabar numerosos apoios sociais en contra da explotación mineira. Consideran que o impacto é totalmente inasumible a nivel ambiental, sanitario, social e económico. Rubén Souto, membro da plataforma Mina NON lembra que os veciños aínda están sufrindo os efectos da antiga mina, que pechou en 1986.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal