05-06-2024

Manifesto ecoloxista: "A ampliación da Rede Natura galega non pode agardar máis"

No Día Mundial do Medio Ambiente, 50 colectivos ecoloxistas e naturalistas galegos reclaman a ampliación urxente e a mellora da xestión dos espazos naturais protexidos do país

No Día Mundial do Medio Ambiente, novamente os colectivos ambientalistas reivindicamos a Rede Nutura 2000 e aproveitamos para reclamar protección efectiva da natureza. Porque esta rede de espazos naturais protexidos, creados ao amparo das directivas de Hábitats e de Aves, é imprescindible para que a biodiversidade europea teña unha oportunidade de futuro.

Entidades ambientalistas e particulares en toda Europa reclamamos ás administracións que apliquen todas as medidas necesarias para garantir a neutralización de impactos e a restauración de hábitats naturais en todos os espazos protexidos da Rede Natura 2000, sexan Zonas Especiais de Conservación ou Zonas de Especial Protección para as Aves.

Ademais, as entidades asinantes pedimos que se amplíe a superficie de Rede Natura 2000 no territorio terrestre galego de maneira urxente, de forma que, como mínimo, se triplique a superficie protexida antes do ano 2030. Isto suporía pasar do ridículo 12% do territorio terrestre galego protexido actualmente -na cola do estado español- ata un 36% a seis anos vista, porcentaxe que xa permitiría asegurar a conectividade de hábitats e especies de conservación prioritaria.

Con todo, esta protección debería ir da man dun correcto manexo dos espazos, apoiada en plans de xestión e unha vixilancia efectiva destas áreas protexidas. As entidades asinantes esiximos tamén que se aumente o número de efectivos encomendados a labores de xestión, vixilancia e sanción dentro da Rede Galega de Espazos Naturais Protexidos, e que se supervisen de xeito eficaz todas e cada unha das áreas protexidas todos os días do ano, incluíndo as situadas no mar.

Asinan este MANIFESTO pola ampliación da Rede Natura 2000 en territorio galego e por unha xestión e vixilancia efectivas dos espazos naturais protexidos:

Grupo Naturalista Hábitat Asociación para a Defensa Ecolóxica de Galiza (ADEGA)
Federación Ecoloxista Galega (FEG)
Sociedade Galega de Historia Natural (SGHN)
Coordinadora para o Estudo dos Mamíferos Mariños (CEMMA)
Asociación de Naturalistas do Baixo Miño (ANABAM)
Amigas das Árbores Ourense
Asociación Treze-Catorze
Brexa Custodia do Territorio
Instituto de Estudos Chairegos (IESCHA)
Colectivo das Pedras Galladas
Verdegaia
Ecoloxistas en Acción
Ecoloxistas Galiza "Atlántica e Verde"
Ecologistas Galego-Transmontano
Colectivo Ecoloxista do Salnés (CES)
CSA Casa Colorida
Asociación para a Defensa da Ría (APDR)
Asociación RaizameVivo
Asociación Sociocultural Entropía
Fragas do Ortegal
Betula – Asociación para a custodia do Bosque Atlántico
Salvemos a Serra Martiñá
Comunidade de Monte Veciñal do Xalo
Sociedade Galega de Ornitoloxía
Asociación Galega de Custodia do Territorio (AGCT)
Comunidade de Montes Veciñais de Coruxo
Plataforma Turonio
Amigas da Terra
Asociación Ambiental Senda Nova
Plataforma pola Protección da Serra do Galiñeiro
Morcegos de Galicia
A Rente Do Chan PLADEVER
Greenpeace (Galicia)
Asociación Rapa das Bestas Sabucedo
Fundação Montescola
Asociación Cultural e Medioambiental Tarabelada
SOS Suído Seixo
Asociación ZOA, cidadanía e biodiversidade
Amigos do Patrimonio de Castroverde
Asociación ecoloxista de Bueu Anduxía
A Lama Vive (Asociación Veciñal Sociocultural e Ambiental)
Plataforma para a Defensa do Sur da Dorsal Galega
Grupo de Estudo dos Animais Salvaxes (GEAS)
Asociación Cultural-Ecolóxica Ridimoas
Meta-Comunica (asociación para a liberdade de información e comunicación)
Asociación Lobo
Asociación Couto da Eirexiña
Grupo Lobo
Ecologistas en Acción de Cádiz