18-03-2017

Xornadas forestais no Vicedo: para que serve o monte?

O despoboamento das aldeas e envellecemento da poboación, co conseguinte abandono das terras de pasto e cultivo, unido a factores coma o rápido crecemento do eucalipto frente ás especies autóctonas, a demanda e promoción da produción por empresas coma ENCE, o que supón ingresos a curto prazo (15 anos para a tala), fai que o eucalipto sexa a árbore predominante na nosa paisaxe.

Este continuo avance do eucalipto a costa doutras especies e das leiras é dende sempre obxecto de enfrontamento entre promotores e plantadores-propietarios dun lado, e sectores sociais contrarios a este monocultivo dunha especie invasora doutro.

Co obxectivo de abrir debate, dar a coñecer alternativas, e poñer en común experiencias arredor da silvicultura, Nordés organiza unhas "Xornadas forestais" o sábado 18 de marzo, na Casa da Cultura do Vicedo, coas seguintes palestras:

18:00h." Para que sirve o monte? Servizos dos bosques para a cidadanía e impacto dos monocultivos de eucalipto" da man de Sergio París, Enxeñeiro Técnico Forestal e Secretario da Sociedade Galega de Ornitoloxía.

Cun descanso polo medio, mais cara as 19:00h. presentarase o proxecto "Cousa de Raíces" na charla "Non todo é eucalipto: outros aproveitamentos, alternativas e experiencias prácticas. Lexislación aplicable." da man de Xosé Manuel Rodríguez Fernández de ADEGA.

E para finalizar, cara as 20: 30h., contaremos coa experiencia do resineiro Fran Dominguez para falarnos da súa labor como tal en Loiba. Agardámovos!

Ligazóns

• FB do evento