Do 18-05-2026 ao 25-05-2026

Oferta posto de traballo de ADEGA en Vigo

ADEGA ofrece un posto de traballo para coordinar o proxecto Rías Vivas na ría de Vigo.

Funcións do posto

1. Planificación e execución do proxecto

• Definición de actividades, públicos destinatarios e liñas estratéxicas.
• Proposta e adaptación de metodoloxías educativas e participativas.
• Coordinación e execución de actividades de divulgación e educación ambiental, especialmente relacionadas co medio mariño.
• Organización e desenvolvemento de itinerarios interpretativos, obradoiros, saídas ao campo e accións comunitarias.
• Interacción directa con grupos diversos (voluntariado, comunidade, sector pesqueiro/marisqueiro).

3. Elaboración de materiais e comunicación

• Elaboración de materiais educativos e divulgativos: presentacións, guías, contidos web e redes sociais.
• Comunicación pública: notas de prensa, charlas, representación da entidade en eventos.
• Difusión e visibilización do proxecto en distintos canais.

4. Xestión administrativa e técnica

• Xestión de memorias, informes, xustificacións e orzamentos.
• Seguimento técnico e documental do proxecto.
• Avaliación continua das accións e proposta de melloras.

5. Relación institucional e territorial

• Coordinación con institucións científicas, , asociacións e entidades do territorio.
• Relación co sector pesqueiro/marisqueiro cando sexa necesario.
• Participación en redes, encontros e espazos de colaboración. 

6. Apoio á delegación

• Apoio á coordinación da actividade xeral da delegación, colaborando na organización interna, planificación de tarefas e dinamización das accións que se desenvolvan no territorio.
• Flexibilidade para asumir tarefas diversas segundo as necesidades do equipo.

Requisitos das persoas candidatas

Formación e coñecementos

• Titulación en áreas relacionadas: ciencias do mar, ciencias ambientais, bioloxía, educación ambiental.
• Experiencia demostrable en proxectos de educación ambiental, participación cidadá ou divulgación científica.
• Capacidade para coordinar actividades e traballar con grupos diversos.
• Competencias sólidas de comunicación oral e escrita.
• Manexo fluído de ferramentas ofimáticas (Word, Excel, PowerPoint).
• Carné de conducir B e dispoñibilidade para desprazamentos.
• Coñecemento e uso correcto do galego nivel alto.

 Valorarase especialmente

• Formación universitaria en ciencias mariñas.
• Experiencia no traballo co sector pesqueiro / marisqueiro
• Experiencia na organización de actividades no medio ambiente, preparación de itinerarios interpretativos
• Experiencia na xestión de proxectos
• Coñecementos básicos de regulamentos e lexislación ambiental

Condicións laborais

• Incorporación en xullo.
• Contrato indefinido cun mes de período de proba.
• Xornada de 30 horas semanais (6 horas diarias).
• Horario continuo con cláusula de flexibilidade.
• Lugar de traballo: teletraballo/traballo de campo.
• Salario neto mensual: 1.290€

Como presentar a candidatura?

Envía o teu currículo ao enderezo electrónico adegavigo@adega.gal, indicando no asunto “Candidatura a posto de traballo ADEGA Vigo”. O prazo permanecerá aberto ata o luns, 25 de maio de 2026 (incluído). Grazas pola vosa atención.