21-02-2026

Visitas solidarias polo Día Mundial do Guía de Turismo

Este vindeiro sábado, 21 de febreiro, celébrase o Día Internacional do Guía de Turismo e, para festexalo, a Asociación Profesional de Guías de Turismo de Galicia organiza, un ano máis, as súas visitas gratuítas en sete cidades galegas.

Nesta ocasión, estas visitas son solidarias a favor de ADEGA, polo que ao final de cada percorrido se poderán facer doazóns en beneficio da asociación. Agradecemos fondamente á APIT Galicia o seu apoio ao labor ecoloxista de ADEGA e a súa sensibilidade ambiental. 

Anímate a acudir a algunha das visitas que teñen previstas:

Visitas gratuítas

• Vigo: ás 11:00h na Estatua de El Salto. "As orixes de Vigo: centro histórico e ensanche".
• Pontevedra: ás 11:30h na Praza de España. "Historia, lendas e un brindis".
• Padrón: ás 17:00 h na Oficina de Turismo. "Casco histórico de Padrón".
• Santiago de Compostela. Na Praza das Praterías. Ás 12:00h "Compostela Contada" e "A muller na historia de Compostela". Ás 17:00h "Compostela Contada" e "Lendas de Santiago e o Camiño".
• Ourense: ás 12:00h nos Xardíns Pai Feijóo. Persoeiros de Ourense.
• A Coruña: ás 11:30h na Praza de María Pita. "A Coruña histórica".
• Lugo: ás 17:00h na Praza Maior (soportais do Concello). "Tesouros romanos de Lugo".

Podes reservar a túa praza no 606985185 ou en info@guiasdegalicia.org.