02-02-2026

Reunión informativa sobre o proxecto eólico Cordal de Ousá en Rábade

ADEGA e o Sindicato Labrego Galego convocan unha reunión informativa o vindeiro luns, 2 de febreiro, ás 20:00 h na Casa das Insuas de Rábade (antigo concello) para informar sobre o proxecto eólico Cordal-Ousá e as súas infraestruturas de evacuación, que se estenderían polos concellos de Friol, Begonte, Rábade, Outeiro de Rei e Castro de Rei. No acto achegaranse todos os datos dispoñibles sobre o proxecto, os seus impactos ambientais e a situación de despregadura eólica na zona. Tamén se entregarán alegacións. 

En concreto, estas son as parroquias afectadas polo parque eólico e a liña de evacuación:

• Friol: Ousá
• Begonte: Santalla de Pena, Donalbai, Uriz, Carral e Saavedra
• Rábade: Rábade
• Outeiro de Rei: Santiago de Gaioso, Santa Mariña, Cela, Matela, Folgueira, Taboi, Vilela, Castelo de Rei, Sobrada de Aguiar e Arcos
• Castro de Rei: Riberas de Lea, Duarría, Loentia e Ludrio

Acude e infórmate!

Ligazóns

• Anuncio do proxecto no DOG
• Mapa do proxecto eólico