Do 12-12-2025 ao 14-12-2025

Encontro musicado e magosto en Moaña

ADEGA convídate a participar este venres, 14 de decembro, nunha xornada especial chea de cultura, natureza e tradición, artellada da man da Fundación Legar, de Xavier Blanco, unha asociación dedicada á divulgación, conservación e posta en valor da cultura tradicional e do patrimonio inmaterial galego, especialmente a través da música de raíz.

Trátase dunha xornada para celebrar a nosa cultura nos espazos naturais do río Rialdarca e a carballeira do monte Carrachal, no concello de Moaña.

Venres, 14 de decembro, ás 16:00 h
Encontro na desembocadura do río Pontillón, onde terá lugar unha actividade de inmersión cultural e natural aberta a todos os públicos, con:

• Interpretación de pezas de raíz
• Reprodución dos cantos de aves do río
• Mostra de xogos tradicionais

Ás 18:00 h. camiñaremos cara ao miradoiro do Carrachal para celebrar o magosto tradicional con castañas de balde, ata o luscofusco.

*En caso de choiva, o magosto realizarase na taberna de Abelendo Chicaja.

Actividade complementaria:
O 10 de decembro, a iniciativa estará no CEIP Quintela e CEIP Abelendo, onde se achegará o espírito deste encontro ao alumnado.

___ 
Colaboran nesta actividade a Fundación Legar, o Concello de Moaña, a asociación veciñal Praia-Seara, Ecoloxistas Galiza Atlántica e Verde, o CEIP Abelendo e o CEIP Quintela.